五號屋的部落: 大阪隨意行

2015年9月23日星期三

大阪隨意行 - Day 1

September 15, 2015, Tuesday

我同型爸又去旅行, 哈哈, 又去日本呀! 今年第三次啦. 二月底同兩位公子家姊姊夫一行六人去京阪神和歌山; 七月份結婚周年紀念就同型爸去東京. 今次算係生日旅行, 不過遲咗一個月, 八月份實在行唔開, 我地今次又去大阪呀!

本來五月份要去加拿大, 不過我同型爸都唔想搭咁長程飛機, 結果取消加拿大, 用的錢去兩次日本好過啦. 預算去五天, 點知Akiramay話回程訂唔到機票, 咁唯有去四天啦. 上次去東京, 訂咗五天, 結果颱風, 飛機延誤又變成四天....哈哈, 咁即係天意, 叫我又慳的.

不過今次真係晨咁早呀! 四點半起身, 五點鐘就出門開車去機場啦. 點解咁早, 因為慳家囉.

我地第一次坐Air India, 早上八點十分起飛, 六點就要到機場啦. 因為Air India張機票平國泰航空千幾文, 兩個人加埋就二千幾, 我地可以响日本食兩餐好野好過啦.

Check in 後過關, 入到去premium lounge都無咩人, 魚蛋粉檔都未開

都隨便攞碗粥, 豉油皇炒麵, 配杯咖啡做早餐

呢碗所謂雞粥一的味都無, 要自己加花生蔥做配料呀!

登機閘口在43, 由premium lounge行過去好近.

上到飛機, 的坐位都ok, 闊過上次坐日航.

啱啱先食完早餐, 食唔落浪費了. 不過我試咗味, 薯餅腍嘅, 雞蛋好實, 腸仔的味道又唔係好啱口味.

12:40到達關西機場, 先去information 問吓如何到Rinku Premium outlet.

原來好方便, 只要去12號車站, 每二十分鐘一班車. 車費只需每人JPY200.

今日天朗氣清, 下午溫度大約二十四五度, 好舒服呀!

到達oulet, 第一時間就係利用呢的大型locker, 將我地嘅行理箱銷好, 我地就可以輕鬆shopping.

先影張相記低 locker key no. 就算唔見咗張票, 都仲有記錄

再去information攞本coupon book, 有多間商店有折扣架.

可能嚟日本太密啦, 開始覺得無咩野啱心水添.

行到三點幾都仲未有收7, 我地去food court 食的野先. 睇來睇去, 揀咗呢間韓式食店, 天天韓韓

型爸要了义燒湯麵配炒飯. 哈, 佢地的餐都係有飯有麵. 而我要了韓式拌飯

言語有問題都唔緊要, 飲品要咩size, 只要手指指就得. 呢餐食咗JPY2,592

我碗拌飯就幾好味, 型爸碗拉麵就普普通通啦.

食完繼續努力, 結果買咗的長袖行山衣服, 遲的可以換季啦. 行到差唔多五點就離開啦.

之前曾經諗過坐番車去機場, 再搭車直去酒店, 但諗吓無理由走回頭路. 去Information 開咗, 那位小姐教我地行去Rinku Town JR 站, 行過去要十幾分鐘, 咁點都好過坐回頭車去機場

跟著就可以坐JR, 無需轉車, 直坐到大阪站. 我地要去梅田, 但日本小姐話大阪站同梅田站就在附近, 我地唔識, 都要相信佢.

見到呢個摩天輪, 行到嗰座好高嘅大廈就到啦.

沿路經過Riku City商場

西松屋

商場出口就見到JR站.

哈哈, 去到JR站, 見到有兩位香港人(聽到佢地講廣東話), 咁熟面口嘅....最後忍唔著問一吓, 原來真係Owenmama, 我認得佢, 但佢唔識我呢! 最後我要介紹一吓自己係五號屋呀!. 佢同佢honey要買票去機場, 今日回香港, 而我就今天到. 响異地見到香港人寧舍開心架!

咁我地去買票, 比張hotel confirmation 嘅地址站務員睇, 佢叫我地買JPY760嘅票, 但我記得information 小姐同我講要JPY990. 咁買咗先算啦.

上車再研究, 站務員以為我地去梅田站落車, 但我地唔想轉車, 直坐到大阪站落, 唔使拖著的行理推上推落.

去到大阪站真係要補票, 車費係JPY990一個人.

因為唔知酒店距離有幾遠, 一出JR站就上taki. 原來真係好近, 都唔使跳錶, JPY660就到.

我住嘅酒店, 北梅田Hearton Hotel. 係一間商務酒店. 咦! 我訂酒店時好似唔包早餐, 但佢又比早餐卷我. 我問佢包早餐咩, 小姐話包, 咁有早餐劵就唔使出去食啦.

雖然唔係咩野大酒店, 但房間企理ok又夠大, 床尾仲有寬闊地方, 又有梳化.

廁所外仲有梳妝台, 十分好呢, 可以坐响到化妝吹頭, 唔使屈喺廁所入面. 日本的洗手間通常都好細

洗手間也很整潔, 清潔用品都係資生堂出品.

放低行理休息一陣, 我地就出發去食晚飯.

由酒店行去梅田站/大阪站(兩個站相距好近)大約10-15分鐘, 而我地食晚飯嘅地方就在大阪站附近, 決定行過去, 熟悉吓的地方.

今次我地無買網咭, 諗著試吓佢地嘅Wifi熱點睇吓得唔得. 原來係唔得嘅. 我地去到大阪站, 用唔到goole map, 根本搵唔到間餐廳. 問咗幾位日本人都識的唔識的. 最後好幸運, 有對男女親自帶我地去.