煙肉煙三文魚意大利飯

September 4, 2015, Friday Night

星期五晚, 放工回到家已經七點幾, 型爸話不如等埋二公子一齊出去食, 諗諗吓等埋二公子再出去又八點幾, 不如又嚟西式快餐, 我現在煮, 二公子返到嚟都差唔多有得食啦.

呢兩包即食意大利飯都買咗一陣子, 今日就KO佢啦.   兩包三個人食應該啱啱好.

 

 即刻攞的煙肉, 隔著膠袋浸水解凍. 幾片煙肉好易解凍.  跟著切片, 無需落油, 煙肉會出油.

爆香盛起備用


 淨係煙用單調咗的, 見到仲有煙三文魚, 加埋煙三文魚啦. 因為真空包裝, 隔著膠袋真空解凍都好易.



本來我諗著一半都應該夠, 但型爸話唔係好多, 全部加哂落去啦.   咁解凍咗再雪番又唔係咁好, 咁用嚟全嚿.

跟著著意大利飯.   將兩包米倒入平底鑊

每包加500ml水, 兩包我加咗1000ml.  無需加蓋煮15分鐘, 不時拌勻一下.

煮到12分鐘時, 我加入煙三文魚, 唔好以為仲有好多水

拌幾拌已經無咩水份

最後一分鐘我再加入煙肉拌勻

煮好有三大碟呀!

今晚飲品, 大豆鈣思寶

好彩煮兩包, 真係夠三個人食.

 

我們的西式快餐晚餐.

咁大碟飯我食唔哂, 型爸幫我兩匙, 二公子又幫我兩匙, 咁就啱啱好啦.

不過今次失手, 碟飯味道偏鹹,  用咗煙肉有少少鹹, 再加落得太多煙三文魚, 仲煮咗幾分鐘出咗的味.   下次唔可以咁重手啦.   如果今日唔用煙三文魚, 改成煙用大蝦或海鮮, 味道可能更好.

哈哈, 鹹鹹地佢地一樣幫我食哂...咁我比兩個like佢地啦.