August 25, 2015, Tuesday
十日前在Groupon買咗嘅黃油蟹餐, 訂咗位今晚食呀.
聽好多人講有時買團購優惠, 去到的食物質數都麻麻, 但我對陶源有的信心, 每次嚟尖東呢間, 我覺得的食物都唔錯.
不過可能陶源都係第一次攪呢的團購催谷生意, 但的員工又未係好清楚點處理的, 見到張coupon都係有的混亂呀!
坐低先比杯飲品, 我都唔要紅酒, 飲橙汁得啦.
我地唔需要點菜, 因為團購己經定咗食咩
睇吓餐牌, 單叫一隻黃油蟹都要HK$498, 我地團購個餐都只係HK$499, 係咪好抵呢!
的餸上啦...
的份量一的都唔少呀. 冰燒三層肉
藍梅汁拌鮮淮山
金湯小米燴遼參
鮮鮑魚拌金柚皮. 的汁整得唔錯, 但柚皮真係好難煮, 唔係好入味.
燒汁魚籽煎魚扒, 幾好味喎.
黃油蟹嚟啦, 爆哂膏
我呢隻超靚, 入面的膏多到....型爸隻反而無咁靚... 我分多半隻比佢, 因為我已經飽啦.
芝士焗蔬菜, 又分一半比型爸
甜品楊枝甘露, 如果無記錯, 散叫都要幾十交一客.
生果我都食唔落, 又係型爸攪掂.
的菜到齊啦, 我地覺得好滿意呀!
埋單HK$121....咁平, 梗係, 呢的只不過係加一同茶芥啫... 我已經預付HK$998吖麻.
連埋加一都只不過係HK$1,123, 比起去年食巳蟹餐要一千四百幾, 平咗幾百文.
今次Groupon 團購, 滿意呀!
沒有留言:
張貼留言