提早做節

September 14, 2015, Monday night

今日放工後有的急趕, 明天出發去旅行, 先去買的野, 再去接媽媽到哥哥家做節.

哈哈, 仲有兩星期先中秋節, 點解咁早做節?   因為哥哥嫂嫂要去西藏旅行, 今次去兩星期, 返到嚟都已經過咗中秋, 所以咪提早做節...  記掛著的姪女無住家飯食呀!

我今日無貢獻呀, 淨係負責做跑腿, 接送媽媽.

哥哥家的工人姐姐做咗好多年, 除了識煮餸, 中醫針灸都覺緊, 好勁架!  

 
 就講呢碟白切雞, 用湯嚟浸, 的肉緊緊熟, 啱啱好, 好耐都無食過整得咁好嘅新鮮白切雞

 
仲有蒸魚腸, 手工多, 又繁複.  佢整得非常好, 仲整咗兩碟.

 
煎黃立鯧

因為有兩個姪女食素, 其他嘅都係素菜

 冬菰發菜

 粉絲蝦米肇菜, 兩位姪女食素唔係食齋, 佢地食粉絲用菜, 唔食蝦米囉.

 蒜蓉煮節瓜

 炆茄子

 仲有鱆魚蓮藕湯

 七餸一湯, 唔係大魚大肉, 都只係家常小菜, 但可以與家人相聚, 已經係一大開心事.

哥哥開定枝紅酒, 唔係好貴, 但有94分.  幾好飲喎.

 姪女在元朗買了皮蛋酥, 老婆餅

 工人姐姐煮了鴛鴦湯丸

 另一位姪女買了個蛋糕....好可愛呀!

Mango mouse cake.... 好飽, 都食少少啦.

九點幾要走啦, 先送媽媽回家, 返到屋企都要十點幾.  仲要執行理, 明天晨早出發呀!