一覺醒來, 竟然已經係08:25 (香港時間07:25), 即係話我地好攰, 一晚都無醒過. 咁梗係啦, 昨天早上四點幾就起身, 到晚上十二點幾先瞓, 唔攰就假啦.
昨日因為無網咭, 用唔到google map搵地方, 真係好唔方便. 本來我諗著用手機data roaming嘅daily pass HK$198一日都算啦.
型爸用開中國移動網絡, 查到只需HK$98一天, 咁我地最主要都係用兩日, 第四天出機場, 根本唔需要wifi. 用兩天都只係HK$196, 咁都好抵. 仲好方便, 只要按指定號碼申請, 離開前再按號碼取消就可以. 不同網絡商, 收費相差咁遠.
落去餐廳食早餐前, 第一時間就activate data roaming service, 型爸再分享wifi比我, 咁我地兩個都可以有data用.
早餐無咩好食, 不過總會食得飽. 求其食的就算啦.
天文台真係好準, 話呢兩日落雨就真係落雨, 我已經帶備雨具
唔好以為日本人一定守法規矩呀! 地下寫著唔可以踏單車, 但身邊就有架單車擦身而過, 唔可以泊單車嘅地方, 成架單車响道.
哈哈, 我地第一站唔係去玩, 係去阪急百貨呀!
呢兩日都諗著去玩, 所以買咗兩日劵JPY3,000. 一日要JPY2,300, 兩JPY日3,000, 咁咪好抵.
呢張周遊卡, 有28個景點免費, 16個景點有優惠. 兩日點去得哂28個景點, 如果一日去到5-6個已經好好.
買到卡後我地就去第一個景點 HEP Five 摩天輪. 我地就响梅田站, 連車都唔使搭呀!
上到摩天輪, 四面玻璃(東南西北)都貼上那方向出名嘅景點
在空中轉一個圈大約15分鐘.
落到嚟, 先去Starbuck坐吓, 研究跟著去邊個景點. 型爸要我影吓隻杯, 佢話上面寫咗佢美文名嘅日本拼音...哈哈, 咁我都識讀嘅.
好快睇咗一round, 根據路線, 已經決定今日會去其他五個景點
第二站, 大阪生活今昔館
原來一日劵可以坐阪急線(私鐵), 但兩日劵就唔可以. 唔怪得之兩日劵會平咁多.
咁我地再問站務員, 我地要去東梅田站坐谷町線. 行上行落, 行到你暈. 有老人家或小朋友真係諗過先好買呢的周遊卡.
先去換入場劵, 如果唔係用周遊卡, 入埸要JPY600
呢道有的人坐哂响道, 我諗佢地都係等緊著和服
見到呢道咁得意嘅, 型爸話應該係廁所
參觀完畢, 大約半小時, 我地又到下一景點
由天神橋筋站5號出口, 轉左直行 (呢個時候, 手機個google map好大作用). 留意到, 大阪好多人踏單車. 周圍都有單車泊車位.
經過見到有一間溫泉, 但唔係我地要搵嗰間.
按電梯上8樓
這裡是接待處及入口. 我們預先知道這裡不包毛巾, 所以自己帶來. 租毛巾要JPY150
浸了大半小時, 好夠啦. 梳洗完出來都已經下午兩點.
我地就在同一層嘅溫泉餐廳食午飯. 浸咗個免費溫泉, 响呢道消費吓啦.
餐廳都幾大架
睇啱啦.
呢餐唔貴呀, JPY3,000兩個人, 抵啦.
食飽飽, 我地又去下一個行程啦. 已經下午三點, 我地估計, 今日應該可以去多三個景點.
沒有留言:
張貼留言