墨汁海鮮意大利麵

August 28, 2015, Friday Night

星期五Cindy放假, 有時晚上唔想煮, 等二子放工一齊出去食.   但二公子成八點先返到嚟, 又唔想咁夜先開車出去.  加上現在多咗一隻百厭星, 真係唔想獨留佢同Loki在家中. 

咁星期五晚, 又嚟西式快餐啦.... 其實真係好easy, 30分鐘左右就攪掂, 我19:15返到屋企, 二公子八點返到嚟就有得食.
 
呢三包墨汁係我上次去東京的便利店買嘅, 放入滾水加熱或微波爐都得 (咁當然唔係用呢個鍚袋包裝放入去, 著火都有可能)
 

今日配料, 大蝦同青口.  响冰箱攞出嚟, 海鮮好易解凍.   的半殼青口, 我去哂的殼淨要的肉.  我覺得的具殼始終都係唔乾淨, 加落的醬汁唔係咁好.  去咗殼, 啖啖用, 二公子最like.

意粉就好簡單

我唔想洗咁多, 一個五層鑊攪掂.  意粉煮加鹽加油五分鐘, 焗八分鐘, 唔使過冷河.  撈起放上焗碟.

煮完意粉, 洗一洗用番個五層鑊, 用蒜蓉炒海鮮

跟著加入的墨汁, 呢的墨汁睇落好黑, 但我拎的試味, 上手唔黑, 唔係好似以前買的食完牙都黑埋.   我怕唔夠汁, 加的的上湯再加的cream, 等佢惹味的.

跟著加上的意粉, 的醬汁係灰色唔係黑色.

 
每人一碟, 好夠味呀!

今晚配燕麥鈣思寶

我們美味的墨汁海鮮意粉...真係半小時就煮好.   二公子啱啱返到....開餐!