榴槤小偷

September 6, 2015, Sunday

我家男士們不愛榴槤, 但五號就十分喜愛.  久不久就買一個金枕頭回來, 去殼入保鮮盒, 放在雪櫃慢慢食.

今天超市減價, 只需HK$10.9一磅(平時要HK$12.9 至HK$13.9磅), 買了一個金枕頭, 差不多十磅重.   回來後馬上去殼拆肉, 用保鮮盒裝著.

但榴槤太大, 一個保鮮盒不夠裝, 我便用一個大盒裝著所有較細件的榴槤肉, 最大那一瓣三件, 要用另一個保鮮盒裝著.  那三件實在太大, 每件都有一個拳頭般大, 放不下, 我便先吃一件, 另兩件入盒.   因手上沾滿榴槤, 沒有把蓋合上便去洗手間洗手.

洗完手回來, 一看那盒, 入面只剩下一件榴槤....另一件去了那?

再看看檯底, 那Whisky百厭星在大啖大啖的吃著榴槤, 我一叫牠, 食得更快, 到我把牠拉出來, 他已經全嚿連核都食埋...真係激氣, 竟然做榴槤小偷.

今次真係唔得, 要打呀!  唔係肉赤無咗嚿榴槤, 而係唔可以比佢隨便爬上檯偷野食, 我每次食榴槤, Loki流哂口水我都比一嚿佢食.   如果檯上面係熱食燙傷點算, 又話者有剪刀牛扒刀點算. 

結果呢個榴槤小偷比我用狗帶打了幾下, 佢知我真係嬲, 本來第一次打落去佢仲呱呱叫反抗, 打多兩下後就坐喺道唔敢郁.  當我教訓佢時, 型爸同Loki從外回來, Loki見到我打Whisky仔, 嚇到立即坐低唔敢郁.

好嘞, 打完嘞就驚, 唔係佢驚係我地驚.  型爸問粒榴槤核有幾大, 我話應該好大, 佢應該無咬, 亦咬唔開, 地下赤無咬過痕跡, 應該夾硬吞咗落肚.

呢嚿就係我剛食完嘅榴槤核.  榴槤肉有 一個拳頭大, 那核有兩隻母拍加起來一樣大.   型爸好擔心, 狗仔太細, 條腸咁窄, 個核塞咗條腸就慘啦.  到時要做手術攞返出嚟.

跟著成晚留意隻whisky仔有無異樣.   呢隻小鬼打完都唔識驚, 仲係同圍爬高爬低, 跳來跳去, 叫極都唔聽, 好頑皮呀!   見佢仲係紮紮跳, 不停同哥哥玩, 玩完就瞓, 都安心的.

結果擔心咗一整天, 第二天, 型爸在後園發現了大顆大榴槤核, 唔知係嘔定痾番出嚟...我地先放下心頭大石.

第二天我在一樓雪櫃拿了榴槤上房食, 都未開始食, Loki竟然上咗嚟 (我地block咗個樓梯唔比Whisky仔上房, 連Loki都一齊响地下大廳)). 原來Loki可以跳過障礙物上來.   狗的嗅覺好靈敏, 知我食榴槤馬上上來, 障礙物都阻佢唔到.   昨天Whisy仔偷食了榴槤, 今天無得食.   Loki咁乖, 今日有得食.

我家男士不愛榴槤, 但兩隻狗狗超鍾意食, 有佢地陪我食啦.