韮菜豬肉餃

2012年9月9日下午2:47公開累積瀏覽 620 2

 September 7, 2012, Friday Night

想包定的餃子好耐, 但係次次唔係唔記得買韮菜, 就係唔記得買餃子皮, 今日放工, 即刻去買.

韮菜, 點解而家的韮菜咁貴嘅, 呢道要十蚊.  已經係臨收檔, 分開兩檔先買得到.  好彩仲係又粗又靚


豬肉, 要買上肉, 要有的肥, 咁包起的肉質就唔會好實

水餃皮


剁好的豬肉, 調味, 都係鹽, 糖, 豉油, 老抽, 水, 胡椒粉, 麻油....加一個蛋白.  最後加韮菜撈勻

預備一小碗水用嚟收口


見到呢個包餃子器, 買咗N咁多年, 但從來未用過

今日就試吓, 但包起好似機械包咁(實在太靚), 無的自家包嘅feel, 唔like喎.

煲一隻試味先

菜肉均勻, 不過唔夠鹹, 要加少許鹽及豉油

先包呢款, 用嚟做煎餃, 呢一層包好, 我要放入冰櫃急凍, 等佢硬咗的, 我就加層保鮮紙, 就可以多放一層餃, 兩層共可以放42隻


我仲有呢款吸索, 不過就要包元寶形嘅餃


呢一批包好啦, 共有62隻, 已經無哂餃子皮.

唔緊要, 將的肉饀先放入Chill櫃, 明天去買的餃子皮返嚟先再包埋佢.

蕃茄紅蘿蔔龍蝦魚湯

2012年9月14日下午2:57公開累積瀏覽 313 2

September 9, 2012, Sunday Night

食完飯,五號屋嘅工作仲未完呀, 仲要攪掂埋的龍蝦湯架.   明天要返工, 放工返嚟就唔夠時間, 今晚先煲好個湯啦.

明天食中餐, 咁將的龍蝦湯用嚟煲中湯啦.  不過淨係龍蝦唔夠好味.  要加的料呀!


蕃茄紅蘿蔔魚仔.

用薑起鑊, 煎香的魚仔

加的龍蝦湯滾起加紅蘿蔔蕃茄

滾起幾分鍾再倒回入大煲內

煲起的湯好濃, 顏色都好靚.

轉康寧煲, 待涼之後入雪櫃,  明晚放工返嚟, 將的湯煮滾加少許鹽就得啦.

川貝冰糖燉蘋果

2012年9月7日下午2:48公開累積瀏覽 1771 0

Sep 4, 2012, Tuesday Night

連續三日川貝燉雪梨, 食咗兩日無事, 食到第三日就頂唔著.  今日唔燉雪梨, 試吓燉蘋果.

今次用加拿大蘋果3個, 批皮去芯切件

先放一的落燉盅底

落3茶匙川貝粉, 加幾粒冰糖, 將其餘嘅蘋果鋪上面...不需要加水

今次燉耐的, 調教咗4個小時, 但3個半小時就夠啦.


初時都有的擔心的蘋果無雪梨咁多汁, 燉咗兩個鍾打開嚟睇吓, 好多汁呀!

燉起同雪梨真係無咩分別, 連食落去都好相似.

晚上食完, 整晚都無咳喎....唔係咁靈阿麻...明晚唔得閒, 後晚再燉過.

咖喱牛肉包+沙律芝士腸包

Sep 12, 2012 8:58 PMPublicPageviews 307 0

September 7, 2012, Saturday Afternoon

煲落的冬瓜茶我就整麵包啦.

今次都係用急凍麵團.  先幾日整咗白麵包, 同時整兩個麵團, 一個急凍.   今早就從冰格放入雪櫃, 下午整就啱啱好啦.

呢個麵團嘅份量同以前一樣.

湯種 : 25g高粉, 125 ml 鮮奶
材料 : 400g 高粉, 20g糖, 125-150ml 鮮奶, 油40g, yeast 7g, 鹽8g  

麵團切割咗15分, 每個49-50g, 搓圓再發酵


今次買咗一款叫Cheese Emmentaler 腸仔

呢隻芝士腸, 摸落去好似比較實, 都係要加的沙律醬, 應該好味的.  睇吓的份量, 用7條夠啦.  另外一款包咖哩牛肉....唔記得影添

好快包好啦, 再發酵20分鐘.


掃上蛋汁.  昨天用咗隻蛋白落去的餃子餡, 剩低個蛋黃, 咁就掃蛋黃, 的麵包焗起會深色的的架.

預熱焗爐180C


焗18分鐘


攪掂啦, 焗堯真係幾靚呀...


15個, 三個大盒入哂.

整咗, 明天就有自家包做早餐啦.

第二日叮15秒, 個咖哩包非常鬆軟. 

 

另外再叮一個爆漿奶油包, 今次叮15秒, 個包就無咁硬啦, 不過都仲係韌皮.   自家包真係好食的.

蒜蓉粉絲欖菜蒸絲瓜

2012年9月5日下午12:54公開累積瀏覽 328 1

September 2, 2012, Sunday

上次去國內一間食肆, 見到一味餸覺得自己整應該會幾好味, 當其時無叫嚟食呀, 因為其他人想叫其他蔬菜.  今日買咗的絲瓜, 可以整嚟食啦.

絲瓜, 份量隨意, 少人就整少的, 多人咪整多的.   先批去絲瓜外的硬邊

呢樽係潮州即食欖菜

粉絲先用滾水浸軟撈起放在碟底

絲瓜切段放在粉絲上, 再加的蒜蓉响的粉絲上面.

將適量欖菜加在每一段絲瓜上, 放入蒸爐蒸12分鐘.  如果用鑊, 我諗8-10分鐘就夠啦.


蒸好啦!


再灒上豉油熟油

嘩! 真係估唔到, 呢碟非常簡單嘅蒸絲瓜, 非常清甜好味, 型爸讚不絕口, 的蒜蓉粉絲都幫我全部食哂呀!

川貝冰糖燉雪梨

2012年9月3日下午2:36公開累積瀏覽 948 2

September 1, 2012, Saturday Night.

早上去一田, 見到的雪梨, 咁啱嗰時有幾聲咳, 仲好多痰添, 諗吓諗吓, 不如用的川貝嚟燉吓雪梨啦.

 

HK$10.9 有三個, 比街市貴咗的(街市應該十蚊四個), 不過唔好諗咁多, 買三個啱啱好.


屋企已經有川貝粉


加幾粒冰糖.  唔使咁多, 三小粒應該得啦.  唔係會好甜

 

雪梨去皮去核切件, 加入冰糖同3-4茶匙川貝粉(唔使加水)


燉3個小時 (我燉咗2個半小時就食啦)

燉好用勺拌勻, 呢的水全部都係梨汁嚟架.

二公子唔肯食, 咁我同型爸每人一碗.

嘩! 好正好潤呀!  飲完即刻覺得好潤兼止咳(唔知係咪心理作用呢?) 飲完寧舍好瞓添.

用急凍麵團做的麵包

用急凍麵團做的麵包

Sep 1, 2012 10:43 PMPublicPageviews 374 1

August 31, 2012, Friday Night

自從大公子返咗加國, 呢排每次整麵包都唔敢整咁多.  但係我屋企個麵包機每次整麵團都可以整兩個.  咁上次整嘅時候就一次整兩個麵團, 即時整一個, 而另一個就分咗兩份, 用保鮮袋包起, 放入冰箱.  一冰就冰咗四日.  今日下午由冰櫃放入普通雪櫃, 到晚上整, 都差唔多全部解凍啦.

呢兩個就係急凍完嘅麵圑, 由雪櫃攞出嚟仲有的凍, 感覺上比較實. 室溫再放半小時, 我將佢好似平時咁分割搓圓, 分成14嚿, 每嚿50g-54g.  再發酵半小時.  呢個時候, 的麵團已經好柔軟.  跟著做型包上饀料.

今次做咗8個芝士火腿包, 6個沙律腸仔包. 入爐前掃上蛋汁

預熱180c

焗18分鐘.

都焗得幾好喎.


雖然係急凍過嘅麵團, 但係一樣焗得咁靚.

嘩! 好啦, 每次都可以整兩個麵團, 一個即時整, 一個冰咗佢, 唔做麵包都可以用嚟整pizza呀!

成功!