大年初一奶奶家拜年

2012年1月27日上午10:06公開累積瀏覽 129 0

                                                                 
January 25, 2012, Monday, 大年初一

今早都真係好忙呀!  整好哂的野, 十一點幾就要出門口啦. 

又要執好Loki的野, 狗糧, 零食, 放狗袋....真係好似湊BB咁.

唉吔, 最緊要攞拌手禮呀!  奶奶同媽媽都係買咗即食燕窩.  咁當然仲有我整嘅糕糕糕啦.

去到奶奶屋企, 第一件事就係食湯丸(奶奶用手搓, 入面係冰糖嗰的呀).   午餐就食齋.   工人姐姐真辛苦, 所有野都係煎煎煎, 講真, 真係唔係幾掂, 不過唔怪得佢, 奶奶年紀大佢唔煮架啦, 但工人姐姐都唔係幾識,  又係人教, 求其整熟就算.  我地幾嬸母講好咗, 明年每人煮兩碟返嚟, 第一唔使工人姐姐整得咁辛苦, 第二我地食得開心的.

食完無幾耐, 佢地就已經話要糕糕糕

 

真比面, 第一時間就要食我整嘅蘿蔔糕芋頭燃

我連呢個電煎pan都帶埋去呀!  個廚房好細, 入多個人都唔得, 咁我地喺廳出面煎, 又唔阻著兩位姐姐煮餸(Ruby都有嚟幫手, Ruby好攪笑, 太太, 我唔放假架, 我要同妳一齊去拜年, 佢話日日都唔放...哈哈, 佢跟著我收好多利是麻, 佢唔放假我又補錢比佢))


為咗呢個焗椰汁雞蛋年糕, 我連多士焗爐都帶埋去, 因為奶奶屋企無焗爐呀!

我的糕糕糕好快就消滅哂啦!

嬸母又整多一底馬蹄, 蘿蔔糕...不過食唔到啦.


晚上又嚟大堆頭, 又係咁上下嗰的餸.  不過食咩都唔緊要, 最緊要一家人聚埋一齊食餐開心飯.

今日要讚吓Loki呀! 佢好乖呀(不過一樣吼小朋友), 周圍貢但無响奶奶屋企大小二便. 我地當中帶咗佢落公園兩次, 臨上車返屋企前又去一次, 佢每次都去到公園先便便, 真係抵錫.  沿路回家都好乖, 無咩點叫喎.

回家途中, 型爸收到兩個電話, 一個係林老闆....搵到啦搵到啦, 快的返嚟一齊試酒啦, ok, ok, 15分鍾就到.

第二個係型爸的朋友打電話嚟拜年, 跟著問我地明天有無時間, 去佢屋企食飯.  我地又ok喎....  不過明天一早又要整拌手禮啦.