Jan 1, 2012, Happy New Year!
昨晚倒數, 跟著又睇電視夜瞓咗, 今朝晏咗的起身, 落到餐廳好多人呀! 全個餐廳都滿哂, 可想而知, 昨晚房間真係滿.
人多咗, 餐廳嘅食物都係一樣, 但今日人多, 食物refill嘅速度都快咗好多.
不過對於我嚟講, 又係攞嗰的野食, 繼續65c半生熟蛋
昨晚倒數, 跟著又睇電視夜瞓咗, 今朝晏咗的起身, 落到餐廳好多人呀! 全個餐廳都滿哂, 可想而知, 昨晚房間真係滿.
人多咗, 餐廳嘅食物都係一樣, 但今日人多, 食物refill嘅速度都快咗好多.
不過對於我嚟講, 又係攞嗰的野食, 繼續65c半生熟蛋
白粥加醬菜, 咁又一餐啦. 今日連豆漿都無呀!
最後又嚟杯蒸餾咖啡.
跟著上房攞的野落嚟check out啦. 朋友一陣嚟同我地出去飲的野傾謁, 跟著十二點就要開車去機場啦.
睇吓條房鎖匙, 仲係要用鎖匙開門架.
Check out 之後有的時間, 朋友又未到, 影吓個大堂先, 地方都唔錯架.
我地就係坐喺呢邊等朋友, 呢道有兩張高背梳花, 個背仲高過人.
仲有薑茶可以飲添
連著就係我早餐嘅地方.
朋友到咗, 本來佢地諗著同我地去食牛肉湯麵, 但係嗰的鋪頭要十一點四十五分先正式開, 我地唔想趕, 再加上我地食完早餐一的都唔餓, 咁大家一齊去Starbucks 飲咖啡傾吓謁. 講吓講吓十二點十分, 一定要走啦.
陶源機場裝修過, 過關之後, 就係呢的寫滿字嘅燈箱. 我地上次嚟都未見過.
上咗機, 今次係舊機喎, 電視細的, 的位窄的.
午餐又係serve一個洋蔥火腿包
差唔多四點到香港, 唔使五點鐘就返到屋企..... 型爸泊車, 我先入屋, Loki好似開心都發咗顛咁...不斷跳, 來回奔跑, 不斷撲上嚟, 仲要強吻呀! 仲係濕呀呀! 真係擋都擋唔著. 到型爸入嚟, 又係一模一樣, 佢對型爸, 嗰種瘋狂, 真係有過之而無不及... 嘩! 兩日無同佢梳先, 攪到我地兩個成身都係毛. 唉! 反之, 我地二公子, 我地返到嚟, 落都無落嚟, 一句都無叫我地喎, 繼續對住部電腦. 咩佢唔掛著我地嘅咩..... 快的執好的行理先啦, 今晚應承咗的鄰屋大食會, 今晚好多人, 要執好的地方呀!
三日兩夜嘅行程, 咁又完結啦. 其實邊係去三日吖, 都係緊緊超過兩日啫. 全程都係食食食, 街都無行過, 更加無時間shopping 啦.
無時間shopping, 但我竟然有手信帶回香港, 真係多得型爸的朋友, 非常貼心, 擔心我們無時間... 幫我地買定....
鳳梨酥兩盒, 呢款鳳梨酥好好味架.
老婆餅一大盒, 估唔到台灣的老婆餅咁好味, 一盒十二個, 我都係食咗四份一件. 的鄰居同家人分享哂啦.
仲有兩包花生同蠶豆, 啱哂型爸佢地用嚟送酒啦....
沒有留言:
張貼留言