今日做節我地有主題嘅, 盡量整的與魚有關, 年年有餘麻....
我嚟到嘅時候, 佢地已經開始咗啦, 飲緊紅酒, 食緊小食啦.
睇吓係咩嚟嘅, 係八號部屋女主人好拿手嘅烏魚子加油魚子呀! 飲酒就唔少得花生同果仁啦!
今日一定要介紹呢一煲先, 呢個煲起碼有15公升, 咁當然唔係介紹個煲, 係煲入面嗰的. 因為係我地千呼萬喚, 要求咗好耐, 八號部屋待特別泡製架.
菜心黃花魚粥, 用黃花魚煎香, 拆肉, 將的頭同骨用煲湯袋煲咗個湯, 同煲咗好耐嘅湯底先嚟煲粥. 八號部屋女主人嘅媽咪親自出手, 昨天攪咗一日先整咗個湯底, 淨係個的心機我地都要比十個讚.
粥底稠咗的, 但係味道清甜, 超好味.
其實仲預備咗好多食粥料, 冬菜, 香蔥, 芫茜, 胡椒粉.... 但我無影到呀! 佢地切到好靚好有心機架!
仲加多幾滴麻油, 呢隻麻酒係從台灣帶回來, 好香架!
煲粥真係好味到無得頂, 個個都食好幾碗, 嘩! 原來咁多男士都咁鍾意食粥架...初時八號部屋話驚食唔哂, 但個個都叫佢地放心, 食唔哂都要打包. 但係結果係食到見到煲底, 其他食品, 變哂配菜啦!
咁我都要提吓今晚除咗食粥, 仲有的咩野食架! 因為林老闆都出咗好多力呀! 佢叫人從海陸豐幫忙帶落嚟架.
香煎撻鯊乾, 要嚟送酒
風乾門鱔, 嘩, 呢的門鱔好大條架, 切兩嚿都已經咁大嚿, 不過好鹹喎. 原來呢的係的漁民捕捉咗之後, 馬上劏好用鹽醃, 掛著風乾. 嘻嘻, 我都係第一次食呢的鹹魚咋!
蒸手打魚蛋
西芹炒豬肉魚蛋, 呢款魚蛋加咗豬肉架!
仲加多幾滴麻油, 呢隻麻酒係從台灣帶回來, 好香架!
煲粥真係好味到無得頂, 個個都食好幾碗, 嘩! 原來咁多男士都咁鍾意食粥架...初時八號部屋話驚食唔哂, 但個個都叫佢地放心, 食唔哂都要打包. 但係結果係食到見到煲底, 其他食品, 變哂配菜啦!
咁我都要提吓今晚除咗食粥, 仲有的咩野食架! 因為林老闆都出咗好多力呀! 佢叫人從海陸豐幫忙帶落嚟架.
香煎撻鯊乾, 要嚟送酒
風乾門鱔, 嘩, 呢的門鱔好大條架, 切兩嚿都已經咁大嚿, 不過好鹹喎. 原來呢的係的漁民捕捉咗之後, 馬上劏好用鹽醃, 掛著風乾. 嘻嘻, 我都係第一次食呢的鹹魚咋!
蒸手打魚蛋
西芹炒豬肉魚蛋, 呢款魚蛋加咗豬肉架!
蒜蓉薑汁芥蘭
我嘅薑蔥煀鯉
三號買嘅靚滷水鵝滷味
十號部屋煎豬肉餅, 幾好味喎.
仲有呢個煎辣肉腸
睇吓我地都幾豐富架! 有魚有肉, 但係一的都唔肥膩
輪到介紹飲咗的咩野酒先.
每款紅酒, 都開咗兩支. 餐前同用餐時飲架.
林老闆帶嚟嘅路易十三, 超貴嘅酒, 餐後就開始飲烈酒
仲有八號部屋攞咗支儲架咗好耐嘅百事吉呀!
食完飯就有朱古力做甜品, 沖咗的白牡丹仲有我地成日都有人從加拿大帶返嚟嘅Two Big Bites Brownies
為咗的Brownies, 八號部屋又攞咗的佢朋友送嘅特濃燒脂咖啡
呢的咖啡比較淡, 好似latte多的. 我一杯加咗少少路易十三, 另一杯加咗少少百事吉, 都幾好啵.
同場加影林小b被困膠櫈, 我問佢驚唔驚會唔會哭呀! 佢即刻扮哭, 但係影出嚟係笑架.
十一點啦, 但係個party未完呀! 佢地待話要唱K喎, 最後移師五號屋唱k, 其實我好攰呀! 不過佢地咁好興致, 我都陪唱啦. 攪到兩點幾, 頂唔順, 明天仲有大把野做, 都係要求散band 啦.
沒有留言:
張貼留言