板長壽司 - 祥華店

August 28, 2014, Thursday night

Ruby今天離開我屋企啦, 貶眼又四年, 期間有做得好時亦有做得唔好, 雖然懶咗的, 但Ruby都係一個信得過的人, 我同型爸常常出門, 我地都好放心.

新工人本來都未知幾時到, agent本來話要十月中先到, 我同型爸麵諗著呢段時間, 屋企就由我同型爸每人負責一的啦.

但有時的野就咁, 當我由大陸差唔多返到香港, 型爸whatsapp我, agent通知, 新工人下星期一到,agent會train佢幾日, 攞埋身份證先去接佢返嚟.  哈哈, 我同型爸嘅part time job又唔使做好耐.

晚上問二公子想食的咩, 哈哈, 佢話要食板長壽司, 佢要儲分呀!   其實我已經儲夠分有折, 但佢拍拖成日都會出去食, 咁想自己儲分都啱嘅.

貪方便唔使等位, 去咗祥華店.  泊入停車場, 見到收費頭一小時HK$15, 第二小時要HK$30....嘩, 要食快的先得啦.

型爸就最好, 我地話食咩佢都話好.  我地都想試吓最近日日廣告都見到的螢光魷魚.

今晚二公子的女朋友都一齊嚟, 所以大部份都係叫四件

鵝肝壽司

螢光魷魚壽司, 蟹肉蟹膏壽司

的螢光魷魚係咁架, 味道一段

呢份蟹肉蟹膏都幾特別

分開三次叫, 都叫咗唔少野呀.   不過我一叫到第八件就停真係食唔到咁多.

飛魚子壽司, 牛舌壽司, 的牛舌好羶呀!

 
火炙秋刀魚, 拖羅池魚

蔥粒吞拿魚, 佢地三個要, 我食唔落啦

最後要了蕃茄湯牛肉烏冬, 兩人share一碗.  不過的蕃茄湯底好腥, 唔好味嘅.  我食少少, 型爸食哂.

四個人食咗四百幾, 差唔多啦.

板長每個時段都設有最低消費, 我地算係夜宵時段, 每位HK$88. 不過都食到超哂啦.