有點曙光的一天

September 7, 2014, Sunday

星期天的早上, 平時都應該比較優閒, 但今天就不一樣, 繼續我的忙碌, 要在這五天內, 教識傭人姐姐大部份清潔工作.

今天改變模式, 已做了兩天給她看, 我今天不做了, 只出口盡量不出手, 我看, 她做.    今天覺得有點曙光, 原來她有聽我的說話, 基本上都做到五成, 只是安排及次序上出錯, 盡量教她省時省力的方法, 將每天的清潔工作變得簡單, 安排時間及情序化, 時間用得好, 做得快, 容易很多.

午餐晚餐繼續由我來做,  今天的午餐還要煮埋比二公子的朋友....他們十點幾睡醒, 又繼續玩他們的戰棋.

哈哈, 咁最快就係食午餐肉公仔麵啦.  好似去茶餐廳咁, 每人加杯飲品就得啦. 但我煮嘅公仔麵當然同外面不一樣啦.  麵跟湯分開煮, 咁的麵就可以爽口的.   呢樣一定要教工人姐姐, 要她跟我的方法.

而晚餐就更簡單, 只有我跟型爸及傭人姐姐, 昨天有剩菜, 今天只煮少少便可以.

 
昨晚二公子剩了幾件壽司, 我再解凍了幾隻魚生帶子, 就變成我跟型爸的前菜.

今天只煮了上湯浸娃娃菜

加上昨晚剩低的燒鵝义燒三文魚

又變得好豐富啦.

傭人姐姐又食好多....

今天雖然仍好攰, 但見到曙光, 這個傭人是可教之材,  比起之前教Ruby, 呢個聽教, 唔明即問, 唔會yes yes yes, 最後又唔明.  其實對我嚟講, 請菲傭, 印傭或緬傭都一樣, 都係咁教.

曙光呀曙光....請你快進來吧!