客家好棧預慶中秋

September 3, 2014, Wednesday Night

我地好多年都無出外食飯慶中秋啦. 每年都係去奶奶屋企做節, 但今年姑奶跌斷了腳, 仍在康復中, 奶奶又年紀大唔想理, 佢地話出去食, 咁就出去食啦.   提早食又有優惠.

又嚟呢尖沙咀客家好棧

佢呢個餐平日真係平我好緊要.  今次人齊, 足二十四人, 訂了兩圍.  去到見到, 差唔多檯檯都係食呢個餐.  訂位訂到滿, 好旺場呀!

客家風味大拼盤, 即係咩都有的啦.

哈, 用貢丸嚟炒菜, 都係第一次食咋.

牛肝菌素菜炸卷.

木桶原隻鮑魚扣海參

客鄉情炒飯, 即係梅菜炒飯

花膠海上燴生翅

清蒸大青班

蟲草花野菌泡菜苗

蒜香穗香雞

宮廷杞子糕...哈哈, 明明係紅豆糕, 可能加咗幾粒杞子吧, 但食唔到.  咁紅豆糕都好味嘅.

不過我今日無心機食呀, 返大陸趕落嚟, 個胃唔舒服, 食咗幾樣就停口兼停手.

心情唔好, 覺得的野都係唔好食.  不過咁嘅價錢, 想點呀!

其實我地個個都唔想出外做節, 仲要提早, 一的中秋氣氛都無.

等姑奶隻腳好番的, 下次要做節, 唔煮都無所謂, 外賣燒味, 加隻雞或鴨, 炒的餸, 如果大家同意, 又可pot luck, 响屋食點都好的.  到時整的甜品, 餐後食的生果, 開心好多.   分開兩圍坐, 大家連傾謁嘅機會都無呀!