繼續我的五天傭人生活

September 6, 2014, Saturday

不用上班, 但比平時還要早起, 一醒便跳起來, 心中記掛著新來的緬傭姐姐.  又開始我辛勞的一天.

早上先教她如何煮早餐, 麥皮多士咖啡.  餐後清潔廚房之後, 就由戶外開始. 打掃地方灑水淋花. 型爸卒之可以出場啦...教她如何抺車, 吸塵.

對於新的傭人姐姐, 真的要付出很大的耐性及包容, 因她們的反應比較慢, 主動性亦低.  教完一次都未必識.  所有家庭電器都唔識用, 佢話電飯煲都唔一樣.   最好笑我教她用洗衣機, 將衣物分類後入洗衣袋再放入洗衣樣, 關門按製...好突然問我...為什麼不用加水?  我呆了一呆, 可能她們沒有用過全自動洗衣機, 用半自動的話便要自己加水.   那只好等洗衣機開動, 有水出的時候解釋洗衣機的運作.   哈哈, 她當然很開心, 原來洗衣就是那麼簡單.

午餐當然係我煮佢睇啦....我通常都會問,有緬甸吃過這個這個嗎....她通常都是no no no no no.


最簡單的鮑魚撈麵

試新飲品, 蘆薈奇異果汁, 覺得略甜

三丸白菜鮑魚撈麵...佢又食得好開心....梗係啦, 有新鮮感, 仲係我煮埋比佢食.

見佢好似好攰, 食完午餐清潔廚房後, 叫她休息45分鐘才繼續(她好開心, 真的入房睡一睡) .  我不需要她們由朝做到晚, 休息吓义义電, 先有精力繼續下半天的工作.

她休息, 我無得休息呀, 要預備今晚晚餐.  這幾天先要她學識所有清潔工作, 煮食就由我嚟做吧!

預備好, 她休息得差不多, 又繼續清潔的工作.  這麼多房間洗手間, 不簡單呀!

哈哈, 到我六點幾煮飯, 林老闆打電話約我地出去食飯, 吓, 唔出啦, 他們只有兩個人, 型爸邀請他們一起來食...雖然唔係好餸, 我都有四餸一湯, 但林老闆好客氣, 斬了一隻燒鵝义燒來加餸.

昨天整麻醬青瓜手撕雞時, 另外整了鹽麴青瓜, 今天就有涼拌小食.  哈哈, 不過醃了一天, 有點鹹呀!

蒸雙色蛋, 太忙, 蒸過了龍

 

黑椒香草焗三文魚, 本來想整slow cook Salmon, 但無時間

  
牛肉炒菜心

 
猴頭菇螺片瘦肉湯

呢幾餸一湯係我煮

林老闆買了一隻燒鵝, 太多啦, 只開了一盒半隻都食唔哂, 仲有一大盒义燒.

 

我地兩對couple, 四個人食六餸一湯, 點食得哂...剩剩剩...

緬傭姐姐食得好開心, 我相信她們在緬甸跟本沒有食得那麼豐富.

我們大約八點食完, 二公子突然帶了幾個朋友回來, 還好他們自己買了壽司, 食完幫他們收拾一下便可以, 他們今晚可能玩通宵呢, 他們這陣子很喜歡玩一個戰棋遊戲(救命!)

清潔廚房後大約九點半吧, 叫她去休息.  她的樣子好像很攰, 可能不習慣吧!

我當然攰到死啦, 型爸林老闆餐後小吃飲酒, 都由我來做呢!

這兩天我做到有點虛脫, 每天站得太久, 休息時間小, 明天不可以再這樣了.....