暫時都係煲湯炒菜

September 15, 2014, Monday

星期六日我响屋企, Cindy就淡定的, 到我星期一返工要出門口, 佢就好緊張, 問今晚晚餐要點整.其實我昨晚已經諗好,今日出門口响雪櫃攞出嚟叫佢預備就得啦.

 
為了容易上手, 繼續煲的已經煲過嘅湯, 不過唔知係水太少定煲得太耐, 煲起叭係得咁少湯, 差的每人一碗都無.


Cindy話佢識炒通菜, 只係用蒜蓉炒, 都ok架. 如果上碟快的, 再翠綠的就更好.

昨晚打完邊爐, 剩低嘅配料有黑豚片, 牛肉, 水魷, 牛百頁, 用XO醬炒埋又一碟, 好好味.

跟著再整豉油皇大蝦

我放工返嚟半個鐘, 三餸一湯又食得.

暫時Cindy只係識煲湯炒菜, 希望過多一兩個星期, 佢可以學多的基本餸, 咁我放工唔使咁趕啦.