一風堂大碗拉麵

September 2, 2014, Tuesday

本來要煮菜飯配醬油麴豬扒, 但只得我一個人, 唔煮飯啦.  食個麵啦.

响日本買咗幾個一風堂大碗拉麵返嚟, 我都未試過, 趁今晚一個人, 試吓啦.

呢個麵係去日本時導遊介紹我地買, 佢話呢個係佢其中一款佢好喜歡的即食碗麵, 佢帶團都會買的一兩個晚上宵夜.

只有在日本的7 11先有得賣.

係日清出品

打開包裝, 入面有好多一包包的東西

有五包, 蔥花, 湯底醬, 調味粉, 辣粉, 黑蒜油


最攪鬼係有塊烘乾了嘅燒肉

個拉麵就唔係好大個

將配料倒入, 加滾水, 蓋起焗3分鐘

焗了三分, 將麵拌勻, 覺得唔夠, 再多焗了一兩分鐘.

無煮菜飯就烚咗的菜, 加埋碟豬扒

仲有我的博多大碗麵.   呢碗麵的湯好濃, 真係好似响日本食博多拉麵咁.

唔知係咪心理關係, 一個人食總好似無咁好味.  留起的豬扒, 草草食了碗麵同菜就算啦.

哈哈,不過有驚喜呀!

 型爸同客食去三聖村食完海鮮, 打包咗的海鮮返嚟比我做宵夜呀!

 一隻椒鹽瀨尿蝦, 一隻油鹽焗奄仔

 型爸話唔好留, 要食咗佢.

隻奄仔的肉好甜, 又多膏, 好肥味好味呀!

食完蟹先食隻瀨尿蝦, 呢款就失色咗的.

型爸一番心意...多謝哂!