生昌潮州酒家

Dec 21, 2014, Sunday night

今日下午遇到Mrs Kua, 大家傾開, 約咗今晚一齊出去食晚飯.  佢地呢排成日都唔喺香港, 從歐洲回來幾天, 明天又飛美國. 

初時都唔知食咩好, 諗吓諗吓, 好耐都無食過潮州野, 一於去沙田顯徑村生昌潮州酒家.

今日好好彩, 去到即刻有位, 唔使等呀!


嚟到呢道, 都差唔多一定叫一條鹽焗烏頭


我地四個人, 叫咗個鵝肝.   我覺得中式鵝肝應該好的, 中國人養鵝, 淨係想隻鵝大的重的. 唔會谷隻鵝食到肝發大



 
 呢款方魚肉碎蠔仔粥, 係我的至愛

炸蠔餅, 今日好快送到, 幾好味呀!



 
 炸蝦棗

型爸同Mrs Kua 飲啤酒, 我同Mr. Kua飲鹹檸蜜

坐坐吓先睇到牆上寫著, 生昌漁人農家菜...吓, 呢道都叫農家菜?

牆上呢幾款菜, 我地一款都無叫呀!

攪鬼, 咩野今生無悔白果芋泥....不過我地已經好夠, 唔想叫甜品啦.

正想埋單, 原來仲有一碟餸而家先到.

沙嗲牛肉芥蘭, 幾好味, 我地每人食一條菜, 跟著pack咗佢就算, 真係食唔落.

埋單好似差唔多七百文, Mr. Kua爭比錢又唔比我地share.   唯有多謝哂, 下次我地比啦.