日式溏心蛋

January 18, 2015, Sunday

晚上食完甜品返上房...突然鄰居打電話比我, 叫我落去樓下攞野

估吓呢袋係咩?

拆開第一層保鮮袋就睇得清楚的, 係雞蛋嚟架.

整咗四隻比我.

事源今早一齊行山, 到我地差唔多行完, 好兒子的女朋友打電話問佢家裡有無紹興酒...仲話有無雞蛋...哈哈, 我一聽就知佢想整糖沁蛋.   咁我話如果整溏心蛋, 橫掂整醬汁, 不如一次過整多幾隻啦.

做法我好清楚, 因為呢排網上教整溏心蛋...

做法: 先將蛋從雪櫃先放室溫, 先將欲蛋兩端刺孔, 煲滾水將蛋放入煮6分鐘(加點醋), 取起放入冰水浸5-10分鐘.  跟著整個醬汁: 50cc醬油, 一湯匙紹油, 一湯匙蠔油, 一湯匙蜜糖, 加薑片, 蒜片, 200cc水煮滾, 跟著用保鮮袋將醬汁袋好, 加入已剝殼雞蛋, 最少浸三小時.

 當晚太夜我無食, 第二晚响雪櫃攞出嚟, 一切開, 入面真係溏心呀!

哈哈, 唔使做就已經有得食, 係咪好開心呢!  快的去讚吓佢先.