紹關新豐溫泉兩天遊 - Day 2

December 28, 2014, Sunday

昨日由早到晚, 過了很充實的一天.   晚上十一點幾便睡 (哈哈, 昨晚他們都飲了不少酒, 大家都應該好好瞓). 今早相約, 九點check out, 一齊出外食早餐. 


如果唔係有同事帶我們來, 跟本就唔識嚟呢的地方,亦都唔敢同街食, 但同事話呢道嘅雞蛋腸粉十分好味.


我地坐响街邊食咋.   不過好可惜, 我今日的腸胃都係不在狀態.   昨天出門時帶備了白粥, 今日都係諗著食白粥, 食完再打包一壺, 我的牛頭牌真空壺大派用埸

 
 呢的蒸爐蒸緊的咩....

 
 係呢兩款較子.   天氣好冷, 攞出嚟要即食, 唔係就好快凍哂.  的餃子味道唔錯, 蒸餃一的都唔油膩.

同事話呢道的豬什湯, 豬什粥好出名.  豬都是今早從屠場拿出來.

呢碟就係好好味嘅雞蛋腸粉, 另外仲有一款豬什腸都好味.  但我只敢食一兩啖咋.

呢一煲豬什粥, 夠幾個人食.  但我唔想食, 都係食白粥算啦.

個個都食到飽飽, 但我唔幾錢呀!

食飽飽跟著去行街

同事帶咗我地去土產店, 結果個個都買咗野....

姬松茸, 五指毛桃, 冬菰.....買完仲未夠, 仲要去街市.   這裡很出名大芥菜, 那些芥菜的莖比荷塘芥蘭還要粗, 同事的太太買了一斤, 菜心又買, 芥蘭頭又買, 薑又買.   哈哈, 菜我唔買啦, 薑同芥蘭頭都買咗.

去到街市, 聞到好香, 走去睇吓做咩

原來係整緊花生油.... 雖然的油真係好香好新鮮, 不過呢的衛生情況, 都唔敢買啦.

呢的唔係薑嚟架...原來係土伏苓, 只睇唔買

 

 最特別係見到人整綿被

 

鋪入面有一塊好大的木板機器, 用來將入了套的綿推平.

推平後見兩位女士合作將綿被放入車線機

好快就車好一張被

其實我真係唔係好明, 咁嘅生意咪好難做.  係咪只做冬天生意, 冬天有人買綿被, 夏天就無人買啦.  但佢部機器係裝好在鋪內,要搬走都唔容易呀!

行過幾間, 又見到一間本地酒鋪(路經都見過幾間)

門外有個好醜的劉伶公仔.   鋪裡面全是藥材酒....即是說, 這裡的人好喜歡飲藥材酒啦.

行完本來下一程去賞花....但林老闆話不如早點食午飯, 早點回香港, 因為仲要幾小時車程. 

結果我們去了這家万烩農家菜(呢道間間都叫農家菜)

 
 呢道凡花生好好味, 一碟要三元, 我地索性要了一斤...十二元.

呢款唔知叫咩的走地雞

五指毛桃龍骨湯

西芹炒鮮百合

粉絲蒸肉丸

紅燒肉

蒸臘肉

炒芥蘭

呢條係呢道老闆介紹嘅唔知咩野魚, 但佢地食落話有陣味....唔食啦.

呢鍋勁大煲嘅臘味焗飯, 食唔哂, 打包都再三盒.

但間農家菜大油膩, 每碟都很多油, 我食菜都要先用滾水洗一洗

食完我地兵分兩路, 另一架車去賞花, 我地先行...哈哈, 點知最後都去埋同一節目.

我地開車上公路前見到有士多啤梨園, 咪停低買士多啤梨.   無幾耐, 另一架車又到.  原來佢地去到賞花地方, 要收入場費RMB128一個人, 其實係一個類似樂園的地方, 一入去, 可能要玩四個鐘, 咁佢地唔去啦.   開車上高速公路前見到我地停低, 佢地又停低, 一齊去買士多啤梨.

林老闆平時經過一的農場, 都會買士多啤梨


今日佢一個人都買咗二十斤, 其他人都買咗一盒, 大約四五斤.... 我唔買咁多啦, 兩斤都有多. 家中只有我食.  買得太多又要整果醬, 又係得我食.

兩點幾鐘開車, 大約六點幾先返到香港.  真係唔該哂林老闆, 送到我地返門口.   唔係有中港車, 我真係唔敢買咁多野呀!

呢兩日食咗咁多肥膩野, 大家都唔想出去食, 各自各返屋企食.

入到屋唔唔使諗, 即刻叫Cindy煲白粥.   型爸話陪我食白粥烚菜呀!  我們豐富凡晚餐

咁當然唔少得仲有新鮮美味嘅士多啤梨做飯後甜品啦.

哈哈, 短短兩天, 買咗好多手信呀!   薑同芥蘭頭唔影啦.

 龍眼蜜及冬蜜

 五指毛桃

 花菰兩斤(市斤即500g, 共1kg), 我鍾意呢的細細隻, 夠厚就得

 姬松茸又係兩市斤, 共1kg

 呢兩枝唔係VSOP同XO, 係同事送比我嘅自家浸酒, 靈芝酒及黃蜂酒呀!  這兩款酒已浸了七年. 他從家中的大酲用酒吊打上來放入這兩個瓶給我.

哈哈, 我送他一枝日本竹鶴21年, 他送回我兩瓶自家浸酒.   上次仲送我他媽媽自家炸的花生油....好開心呀!