咖哩牛筋腩

January 15, 2015, Thursday

平時炆牛腩, 都會用高速煲炆好清湯筋腩, 分好兩份, 留起的清湯, 食時先用的清湯再嚟炆.

我買咗白蘿蔔, 諗著叫Cindy蘿蔔炆牛腩

不過今日Cindy整咗咖哩牛腩...  佢整嘅咖哩雞幾好味, 炆牛腩都唔應該會差, 但好似差咁的配料... 我的白蘿蔔去咗邊.


哈哈, 原來佢將的蘿蔔煮咗第二樣餸, 用嚟炒蛋...食落真係有的怪.   緬甸某些地區比較貧窮, 見Cindy煮好多餸都唔會放肉, 上次茄子炒蛋, 今次蘿蔔炒蛋, 跟著綠豆蓉粉絲湯, 都以蔬菜為主.  呢款餸真係唔係我地杯茶呀!

清炒白菜, 都係呢的基本餸易接受

節瓜肉片湯

三餸一湯, 都係以蔬菜為主,   不過碟蘿蔔炒蛋, 剩低一大碟...哈哈, 我都唔講佢都應該識意會...除非佢次次都想自己食哂一大碟啦.