紹關新豐溫泉兩天遊 - Day 1

December 27, 2014, Saturday

今日約咗幾位同事去紹關參觀國內同事老家的一棟大宅, 順便去新豐浸溫泉.

本來我地一行六人, 在深圳出發, 由公司同事開車去紹關.    點知林老闆聽到有興趣, 佢地一家 join埋我地一齊去.    哈哈, 我同型爸就好開心啦, 林老闆有中港車, 直接由屋企出發, 好方便呢.   再加上林太同小公子, 車上有傾有講, 幾開心呀!   我地九點出發, 約咗同事在公路休息站等.

經沙頭角上鹽排高速接深博高速向博羅方向, 開咗三個幾鐘車, 下午一點幾到達新豐, 大家都肚餓, 先去食的野


我地去咗呢家叫鄉村農莊, 呢的村民, 可能住又係呢道, 做生意又係呢道.


一入去, 目到牆上放滿浸酒

其中有一樽好嚇人呀....睇吓, 唔知係隻雀定係雞, 連毛放入瓶, 入面仲布條蛇呀!  真係唔知邊個夠膽飲, 會唔會好多細菌呀!

 
共他嘅藥材酒就正常的

跟著順路去參觀埋個廚房, 都尚算乾淨

二樓有三個房間, 一間叫鄉村, 一間叫鄉景

而我地坐嗰間叫鄉下

哈哈, 的湯同白飯嚟啦...我地同佢講唔要咁多碗, 點知佢話, 唔要留低就得.   唔係一陣唔夠, 佢唔得閒攞上嚟.

咁又係, 落單係佢, 煮又係佢, 侍應都係佢, 自家生意, 咩都自己做.

五指毛桃龍骨湯

煎釀豆腐, 的豆腐好滑呀!

鄉下臘肉, 無加豉油醃, 所以係白色.   不過我個胃仲有事, 無胃口, 睇吓好啦.

紅燒肉, 佢地食得好滋味, 但我見到打冷陣

呢道好出名的大芥菜煲, 呢道的芥菜, 真係大得好緊要, 條莖粗過的荷塘芥蘭

呢個好似係蕃薯粉煲, 我無食, 唔知咩味.

並酒雞煲, 只係食了一小件雞.

煎鯉魚, 又係食咗一小件


呢碟炒菜心好味, 的菜好新鮮

其實的餸菜幾好味, 大家都食得很開心, 只係我腸胃炎, 對吃什麼都興趣不大.  咁我當然唔會令人掃興.  豆腐, 菜, 飯都食少少啦.

食完我地開車先去酒店check in

我們住的酒店叫皇天星悅酒店,

上到房間, 都算幾清潔乾淨

房間好大呀! 有個小客廳

這間雙人房有兩張2米x 2米的大床.....係估呢間房一晚幾多錢....唔包早餐, 人仔唔使三百文一晚.

酒店對面有這五層塔, 同圍都是舊舊的紅磚房.

下一個節目, 係參觀同事的大宅

開車十幾分鍾就到啦...有五層半高呀!  每層2,500尺, 雙露台, 仲有地下停車埸

地下第一層係老人家住嘅, 咁又啱嘅, 老人家唔使上上落落, 地下有三間房, 飯龐可以開三圍檯.

第三層係同事的大哥一家住的(平時都唔喺道住, 假期先返嚟)

呢層嘅裝修以古式為主

每層有主人房加三個房間, 客飯廳, 廚房,咩都齊.  

第三層是他的二哥住的, 裝修不同風格, 但間格就層層都一樣

第四層就係我同事的,不同的裝修風格

天花燈每層都不一樣.

第五層係第三代年輕人,同事的絰子的住的.  

這層裝修感覺比較年輕, 仲有一張搖床, 林家小公子第一時間上去玩啦.

天台仲有半層, 係遊戲層, Karaoki, 麻雀房, 燒烤都在這裡.

 

 

他們這層樓是這裡最高的, 望出其他全是矮矮的紅磚房.

最後差點忘了去地下停車場, 好二哥今年浸了不少藥材酒呀!

參觀完畢, 我地去下一個節目, 浸溫泉去也.

呢個叫雲天海溫泉, 真係估唔到, 呢道好多人嚟浸溫泉.

天氣好凍, 我地浸戶外溫泉.  穿泳衣加大毛巾都係好凍...不過一落到熱熱的溫泉, 舒服哂.

我地浸了個多小時就去食晚飯.... 走時個個覺得腳步輕快, 呢的唔知係咪浸溫泉的功效.

晚上同事帶我們去他姪女的酒家吃晚飯....

估吓呢鍋係咩....羊腩煲嚟架.   哈哈, 我唔啱食, 不過食的菜都無問題.

同事帶了一枝靈芝酒同黃蜂酒嚟比我地飲.   我帶咗三枝日本酒, 竹仙鶴21年, 送了一枝比同事, 另外兩枝諗著今晚飲.  因為飲了兩枝藥酒, 最後只開了一枝.   另外我再帶了兩枝柚子酒, 只係開了一枝嚟飲.

大家肚餓, 先來了一碟煎蛋

另外叫了一條鯇魚, 原來食羊腩魚鍋

條魚好大條, 我地八個人最終都食剩一的  (咁有的關我事, 我實在食唔落)

跟著又叫了的湯葛炒蓮藕, 炒菜, 不過我都無咩印象, 個胃唔聽話, 無心機食.   我唔食, 但見到佢地食得開心我一樣開心.

食完返到酒店都差唔多十一點啦.   明早九點集合.