唔啱食的一餐

December 30, 2014, Tuesday night

自從Boxing day 那天又痾又嘔之後, 的腸胃都唔係幾掂.  跟著又去新豐溫泉玩兩了兩天, 日日都大魚大肉(睇著人地食), 出外我都係食白粥同菜.

成個星期, 叫Cindy煲咗兩日白粥, 今晚都係第一晚响屋企食飯.  Cindy可能唔知我唔想食肥膩野, 今餐我真係唔啱食.

 
柱侯牛筋腩, 雖然係用咗去了油炆完牛腩的清湯嚟炆, 但始終都係好肥膩, 見到都唔想食.


另外呢碟係西洋炒台灣香腸...我唯有用滾水洗洗的菜, 淨食西洋菜, 都幾好味嘅.

雪耳木瓜雞腳湯, 平時好鍾意飲, 但今晚唔飲著.

呢餐我食獨沽一味菜....哈哈, 都無所謂啦, 成日食埋咁多好野, 呢幾日趁機清清的腸胃啦.
型爸都食得唔多, 結果一大湯碗牛筋腩, 全部留比Cindy食.

明晚大除夕, 點都會慶祝一吓, 我要留番的quota, 希望明天的胃口返嚟啦....

仲要諗諗明晚食咩好呢!