Hotel Panorama - Cafe Express tea buffett

January 3, 2015, Saturday

自從呢幾年公司實行五天工作制, 星期六無需要返工, 但每年一月份頭兩個星期六就指定要返工, 因為我地嘅行業每年呢段時間都好多外國客人嚟, 有的同事, 星期日都要返工, 連續兩星期無休.  呢兩個星期, 對公司好重要, 各同事都樂於上班.   平安夜,大除夕, 農曆新年老闆都多放我們假期, 而家我地只係返兩個星期六半天, 濕濕碎, 非常樂意.

只係返半天, 下午就可以放工, 今日約咗型爸去食tea buffet.  有張二人tea buffet coupon, 一月底就expire, 趁今天快的用咗佢.  但tea buffet 由三點半先開始, 我同型爸要去食碗魚蛋粉牛腩河醫醫肚先.

三點幾去到Panorama Hotel 1/F, Cafe Express.   以前嚟過食lunch, 但未食過tea buffet

 
 原來呢道嘅tea buffet都幾受歡迎, 差唔多全部滿座.  我打電話嚟時, 好似話頭20位客人, 可以三百幾文兩位.  但因我有coupon, 都無留意優惠係咩.

本來以為tea buffet 係食的小食, 三文治或甜品, 點知原來同lunch buffet 差唔多, 知先唔食魚蛋粉打底啦.


呢道地方好唔係好大, 每款食物都有的啦

 
 仲可以點Pasta, 不過打咗底, 唔食啦.

 
 凍海鮮類

 
 熱薰
 
 甜品

我要咗的凍海鮮

燕窩燉蛋, 炸雲吞

行來行去無咩想食, 攞多幾隻小龍蝦

再攞多一份燕窩燉蛋

小小芝麻糊

小小甜品

諗著飲埋杯意大利咖啡就走.

但個侍應話仲有十幾分鐘生滾粥同pancake 就last order, 佢話唔錯叫我去試吓.

咁我咪試囉

過咗幾分鐘, 那位侍應提醒我出去攞

食pancake, 最好配雪糕, 只有呢的軟雪糕, 都頂著先啦.

吓, 我明明無要加士多啤梨喎....呢份pancake唔好味呢.

型爸試吓生滾粥, 點知好似水咁.

知先飲完咖啡就走啦, 對後面呢兩樣好失望.  食得好夠, 今晚都唔使食啦.