有人幫手煮, 食咩無所謂啦

January 16, 2015, Friday

自從星期一同Cindy慶祝完生日, 佢真係好似比以前有心機做野, 雖然有時煮的我地唔係好like嘅餸, 但起碼見到佢有用腦同出個心去煮餸.  但記性差呢樣就幾難改.

呢排工作忙到不可開交, 跟本無時間理佢, 返到屋企有人煮比我食就已經好滿意.  哈哈, 不過唔理咁有的就當然唔會煮得好理想啦.

煎薯餅, 我教過佢可以加的蔥粒洋蔥粒或肉碎...但呢碟只係雞蛋煎薯餅...入面無加芝士

豆卜蒸排骨, 呢碟佢最鍾意整,無難度...不過碟排骨咁少嘅...

 

 炒有機皇帝菜,呢的皇帝菜條莖好粗,但唔會韌呀!

水蛋蒸起個面有的醜, 但食落都係滑嘅

螺頭雪耳瘦肉湯, 我久唔久都會去百佳買, 清清地都幾好架.

三個人, 四餸一湯, 好夠啦.