流沙西多士 - 蒸點新意

May 1, 2017, Monday, 五一勞動節假期

今天假期無咩所目, 型爸話不如同我去high tea....榴槤流沙西多士....啱唔啱口味.....啱啱啱, 即刻出動

呢間蒸點新意, 响上水新祥街開咗無耐

呢, 竟係呢款流沙西多士, 有榴槤同奶黃兩款味道.    原來午市有蒸飯賣添

我地兩個口味都叫咗, 叫一客西多士, 送一杯奶茶.

呢款係榴槤, 一切開, 的醬流哂出嚟, 好香.   但只係醬, 無咩榴槤肉, 差咁的.

呢款係奶黃流沙...幾好味喎, 好香鹹蛋黃味, 唔係吉士粉....I like it.

另外要了黑松露蝦多士, 好味!

 

 黑芝麻脆炸豆腐...又真係炸我幾脆

 埋單只係HK$106....經濟抵食.    唔. 下次要試吓其他食物.