Under Vacuum The Hang Out

May 14, 2017, Friday

睇完戲, 我地開車趕出九龍, 去太子甽限街呀!

嗰日睇免費報紙, 介紹一間西餐廳, 型爸話要同我嚟試吓, 就揀咗母親節今日嚟

呢一區好少有類似的西餐廳, 同隔鄰其他食肆, 有點格格不入.   不過我又覺得, 呢的可能會係佢地成功的一個原因.

我地訂了位, 安排在樓上.   樓梯的燈很昏暗.

但上到去就光猛很多

不知是否時間尚早, 座位仍未滿

 

睇報紙介紹, 呢道有隻羊腿好抵食, 不過要預訂.  但我地三個人都食食唔哂, 所以都無考慮叫.  下次約多的人先再試.

今日有兩款生蠔, 型爸同二公子都喜好, 咁就叫啦.

要了半打Cap Horn, 味道又幾喎.

要了一客牛扒, 侍應話呢道的牛扒, 全部採用slow cook的方法.   味道一段啦.

要了肉醬薯條, 的薯條炸我麻麻

孜然羊肉pizza, 一的孜然羊肉味都無, pizza 邊脆底唔脆.   味道只是可以.

要了炸芝士條.

本來加了一客卡邦尼意粉, 點知等了30分鐘都未到.   座位都坐滿, 見好多檯都等了很久, 我們不等了, 要趕回家餵狗狗呢喃.   唯有埋單走人.

埋單HK$508, 價錢大眾化, 但食物質數一般.

這家餐廳有很多需要改進的地方, 如侍應需要穿統一的服飾.  上菜亂哂大籠, 主菜第一道上, 其他小食如炸芝士條最後才上.

希望只係母親節人流突然增加才會這樣.

下次來時, 希望有所改進, 再會試試他們的全羊腿吧.