Red Penny 旦王花

May 14, 2017, Sunday, 母親節

母親節, 今日休息, 唔煮呀!

哼哼哼, 型爸, 輪都輪到係煮比我食啦....

哈哈, 型爸話好, 早餐佢整, 午餐晚餐都出去食, 唔就唔使煮啦!

型爸諗都唔使諗, 蒸點心, 放入蒸爐就攪掂.

睇吓型爸的食野速度, 我真的無法與佢相比.

哈哈. 小插曲, 原來型爸連咖啡壺都未用過, 都要研究一輪先知點用, 佢又唔知蒸點心, 珍珠雞要先microwave 一分鐘再蒸, 又或者要蒸耐的,  結果蒸完又蒸......  哈哈哈, 都怪平時太縱係啦.   咁佢唔識都去整比我食, 都好窩心嘅.

午餐去邊道食呢....

係旦王花泰菜

我地訂咗一點, 去到有位泊.  呢道食晚飯, 周時都泊到滿哂.

呢道戶外有好多位, 今日唔制啦, 成三十度, 室內有冷氣好的.   我記得上次晚上嚟, 正值黑色暴雨, 呢道戶外位水浸呀!

咦, 呢道開放比狗狗嚟喎, 我即刻問侍應室內帶唔帶得狗狗, 原來係唔得的. 咁熱天時唔啱我兩隻狗奇啦.  我地出來時, 都要開電視開冷氣比佢地, 唔使佢地揹著的長毛咁辛苦呀!


坐低型爸要了啤酒, 我同二公子要了珍多冰.

佢地在餐紙上印上十大必試菜式, 我地只係叫咗一樣

就係呢款煎蠔蛋, 不過味道強差人意, 非常一般

炒椰菜苗, 偏鹹

流心芝士蝦餅, 又真係幾流心.   不過的芝士非常淡味.

芝士烤餅

 

 咁多樣菜, 最差的就是忘了影的肉鬆生菜包.  一的味道都無, 完全唔似泰菜.

埋單HK$575.   不過呢道的野麻麻呀, 都係粉嶺嗰間Pad Thai, 整得好食的.

食飯時二公子話不如一陣去睇戲, 咁梗係好啦....

哈哈, 啱啱前幾日明珠台先播放銀河守護隊 1, refresh 的 memory呀!