肉碎釀茄子

May 7, 2017, Sunday

上次Cindy整咗個芝士焗釀茄子都幾好味, 今日佢將個肉碎釀茄子改為中菜, 用蒸嘅方式呀!

做法都係將的茄子肉取出剁碎加入肉碎, 洋蔥乾蔥拌勻調味, 再釀入茄子.
 
不過仍唔識轉轉膊, 上次焗有芝士, 帶鹹味好夠味, 今次就淡的.   我馬上教佢整個甜豉油再灑的蔥花, 咁賣相就好好多啦.     不過二公子即刻有意見, 加芝士焗啦, 好味好多!

今餐仲有大蔥炒牛肩肉, 入面有大蔥, 洋蔥, 雞髀菇, 幾好味架.

加個蝦醬炒通, 好味!

青紅蘿蔔菜乾豬骨湯

三餸一湯, 都ok 啦.