梅菜炆豬肉

April 29, 2017, Saturday

今日探完奶奶及媽媽, 去了大埔街市買餸.  去到黑毛豬檔, 又買咗幾百文.

其中一件就係呢條五花腩....肥瘦均勻, 真係好靚.   即刻用嚟炆梅菜豬肉.

將豬腩切厚片, 咁大嚿都只係切了十三片

今次唔汆水, 洗淨後用白鑊將兩面煎香

甜梅菜用水浸洗, 跟著揸乾水切碎

用爆香的豬油先爆薑片, 再爆炒的梅菜

加入豬肉, 加水型蓋過豬肉.  加調味: 3湯匙老抽, 3湯匙生抽, 一大粒冰糖

大火煮滾轉中火煮至少汁

大約炆煮了45分鐘....差不多啦....

煮好後將豬肉排得靚靚

整好一上檯, 型爸已經即刻忍唔著.   一咬落去, 佢話的肥嘅咬落即溶, 瘦的仲有咬口, 味道十分之好.  好多時外面的梅菜豬肉, 肥的一夾便爛, 瘦的好像柴皮. 

其實梅菜炆豬肉真係好簡單,  只要用生抽, 老抽, 冰糖, 就可以炆得好好味 (咁當然都要有嚿靚腩肉啦).