滷水鴨

May 6, 2017, Saturday

上次整完滷水什錦, 今日整滷水鴨呀!

買咗隻米鴨返嚟, 洗淨, 用三四湯匙粗鹽, 內外擦勻, 醃幾小昤

煮前汆水

而滷水汁用上次剩下的水, 撇去上面的油

先煲滾

隻鴨都幾長, 要屈入我個萬能煲內, 再加入滷水

我唔想好似上次滷什錦時咁腍, 今次按"排骨"制. 只需10分, 不過呢10分鐘, 係由煲內全滾計起.

我想整埋滷水冰豆腐, 但家裡只有蒸煮滑豆腐, 都試吓放入冰箱急速冷藏

四個小時, 的豆腐只是硬了少少

切開入面無孔, 仲係好滑, 失敗了

咁就煎吓,  唔...只可以煎來食, 做唔到滷水豆腐呀!

 
 咁就整幾隻滷水蛋啦.

我叫Cindy將的蛋放入滷水浸幾小時....哈哈, 溝通錯誤, 佢又按多一次萬能煲, 又腍哂

咁味道又好ok嘅, 只係我唔喜歡炆到腍哂咁.

佢都好有心機, 另外煮咗個緬甸式蘿蔔魚腩

今餐仲有蒜蓉菠菜

鹹菜排骨湯

加埋碟煎豆腐就四餸一湯, 都唔錯架.