2010年8月26日下午3:48公開累積瀏覽 27
仲需要的時間整理去旅行嘅相片, 先post番生日那天去新羅寶食韓國菜.
好耐無食韓國菜, 揀咗呢日嚟滿足一下口腹之慾.... 因為其中想食嘅一款菜式, 真係唔係好健康... 亦因為這關係, 搵多一位都喜歡食呢款唔係好健康菜式嘅朋友, 一齊分散風險....
型爸比較熟悉呢間餐廳, 全程由他點菜.
韓式前菜, 唔使叫都有, 食完仲不斷refill, 好味. 兩款泡菜, 唔同味道, 但兩款都好食
朋友未到, 先叫一兩客小食, 韮菜煎餅, 普通啦... 好似中式韮菜煎餅惹味同香的. 朋友啱啱到, 緊緊留番一件比佢.
魚肉餃子, 呢碟好特別, 用魚肉包著的切碎蔬菜, 味道頗為清淡, 要醮汁來食. 一碟有四件, 啱啱夠我地四個, 每人一件. 型爸好肚餓, 一嚟到夾起一件, 仲有三件比我影相.
韓式生牛肉
個韓藉waitress將的生牛肉生蛋撈勻... 味道一般, 總覺得有的麻醬之類撈過的肉, 覺得唔夠鮮味.
再叫咗一客大的牛排(牛肋肉)
煎好嘅牛肋肉用菜包著加香葉青瓜蒜頭一齊食, 幾好味.
最後呢款就係唔係好健康嘅辣牛腸牛肚鍋. 唔知點解, 好似無以前咁好味嘅. 初時覺得唔係好大鍋啫, 但食吓食吓, 夾極都仲有嘅, 好夠.
送呢款甜品好清, 類似甜的薏米水, 食完的濃味牛腸牛肚, 飲呢碗薏米水, 覺得喉嚨好舒服.
埋單hk$1,025.20.
型爸响網上查電話訂位時, 發覺有優惠, 只要print咗呢張cupon, 食滿hk$600, 可減hk$300... 正, 又慳咗三佰, 抵....
跟著快的番屋企執行理, 第朝六點就要起身...
沒有留言:
張貼留言