士多啤梨果醬

2010年8月12日下午3:08公開累積瀏覽 161 1

 朋友送嚟嘅士多啤梨, 隻隻都好靚, 為免放得太耐變爛, 食咗幾個, 其他決定用嚟做果醬.

平時並不喜歡supermarket買回來的果醬, 覺得好甜.  自己整果醬會將的糖份減少, 調到適合自己口味.

材料: 士多啤梨280g, 糖90g(可隨自已喜好而加減), 檸檬汁半個

將的士多啤洗淨去蒂, 用廚紙抺乾水份

將士多啤梨一開四(切粒),  然後加糖撈勻, 放雪櫃一晚.

二十四小時後, 士多啤梨會出好多汁.

側面睇, 幾多汁浸著.

燒熱鍋, 將士多啤梨連汁倒入鍋用中火煮滾...滾起會有好多白泡...我用匙羹不斷攪拌....

煮煮吓的白泡消失, 我响呢個時候加檸檬汁, 再試味.  本來只用75g 糖醃士多啤梨, 覺得略酸, 再加多一湯匙糖(15g), 所以共用了90g糖.  當中亦要不停攪拌.

煮到最後比較杰, 用匙羹取起時耍沒有"水" 或 "稀" 的感覺...

入樽代涼....

十幾個士多啤梨煮起得咁少咋...
入樽之後, 個鍋底仲有好多果醬, 唔好嘥, 我即刻攞塊白麵包叮20秒, 跟著醮鍋內剩餘的果醬....唔, 酸酸地幾好味....係酸酸地, 唔係甜甜地....   我呢個份量, 係一的都唔甜, 如果喜歡甜, 一定要再加糖.

 第二朝早餐, Mina 已經好醒目咁同我整咗士多啤梨醬包...但番公司打開一睇, Mina, 使唔使咁孤寒呀, 搽咁少, 邊夠味呀!

 比個close-up睇吓, 都有的士多啤梨肉嘅...

番屋企自己整件多多醬嚟食....