免搓包 again - 兩款麵團

Aug 1, 2010 10:43 PMPublicPageviews 613 0

斷食完, 想做的無牛油, 蛋或糖嘅麵包配合一下.  諗吓諗吓,整免搓包就啱嘞!   材料只有麵粉, 水, 酵母&鹽..... ...

上次'可可貓的活板門'嚟探我, 我去咗佢個blog探佢, 見佢嘅no knead bread 幾靚.  今次就試咗佢用嘅份量及焗嘅時間.....
我又用咗兩種唔同嘅麵粉, 高筋粉&普通麵粉來做呢個免搓包.
1杯暖水, 2 杯麵粉, 半湯匙酵母, 半湯匙鹽, 1 湯匙麥皮
同一份量, 但混合後的高筋粉有的乾, 唔係好夠水.  但普通麵粉混合起嚟, 個麵團就啱啱好.  不過我都無加水落高筋粉到, 睇吓發酵完究竟會點.

 用濕布蓋著, 室溫發酵咗15小時.  的麵團大概漲大咗一倍有多... 左面是高筋, 右面時普通麵粉, 普通麵粉好像發酵得比較好, 漲得比較大... 之前比較乾嘅麵團變得濕咗, 而普通麵粉團就更軟的濕的, 要用好多手粉先可以將麵團從保鮮盒中拿出來.

將兩個麵團做型, 再用布蓋著發酵1小時.   做型時發覺高筋粉團比較重身, 普通麵粉團就輕軟的.

發酵完畢, 但唔覺再發大好多.  並無在上面界上十字, 睇吓係味自己會爆開.
預熱焗爐220c(連康寧煲)....

 連蓋焗20分鐘, 開蓋再焗20分鐘...

出爐啦... 高筋麵團有一條爆口, 普通麵粉團就有兩條爆口.  睇落都幾好樣, 個煲好熱, 唔敢摸落去, 唔知脆唔脆.  但趕著出街, 無時間等.  吩咐Mina要攞出嚟攤涼... 點知夜晚番到嚟個包仲係留番响個康寧煲入面....

攞出嚟個包有的軟, 並唔覺得外脆, 內軟就一定, 因為按下去都是軟的.

 

切開個包, 高筋粉麵團做嘅包氣孔少的, 個包身重的, 好似發酵唔夠咁..

切片後打平, 又覺得兩個包發酵得差唔多大細.

 這兩片是我的早餐, 一片搽咗自製蒜蓉香茜醬, 另一塊搽咗超級市場買嘅蒜蓉牛油麵包醬.  放入焗爐翻焗15分鍾.  都算皮脆內軟, 口感有點韌, 有歐陸包嘅感覺.   但係覺得好鹹, 8g鹽太多,下次應減到3g鹽...
早餐食咗一塊就已經夠, 唯有留番另一塊遲的食.
其實可以用咁簡單嘅方法做到個唔算差嘅包, 都真係ok.  又係一次good try.