Swadee Thai - 泰屋

2010年8月2日下午3:23公開累積瀏覽 20 1

相約咗五個部屋, 一行十四人, 一同去元朗坳頭東成里1號Swadee Thai (泰屋)食晚飯... 

 有兩個mene, 一個for Thai Food, 一個for Indian Food....  嚟到先知個相機無電, 激死!  全程由型爸手機代勞, 但覺得個手機影嘅相, 質素麻麻.

天氣咁熱, 一嚟到, 叫咗好多支啤酒降溫, 但我唔想飲酒, 叫咗珍多冰.
叫咗好多野食呀!!!!!!!!!!! 

 呢碟唔知炒咩野菜, 兩份(因為唔使負責叫菜, 無留意餐牌)

 應該係椒鹽蝦, 兩份

青口煎餅, 兩份

咖哩牛腩, 配印度薄餅.  另叫咗一客青咖哩雞.... 印度薄餅都叫咗8客(4客有牛油, 4客無牛油)

沙嗲加併盤, 兩客

 豬手煲

牛尾煲

蝦醬炒飯 & 菠蘿炒飯..
另外無影相嘅好似有煎蠔蛋兩客, 燒鯖魚, 鹽燒鱸魚, 燒魷魚.....唔記得啦! 不能盡錄....

 睇吓, 真係張檯都擺唔哂...仲有飯後甜品... 送嘅..
梗係食唔哂啦! 個個食到條腰都直埋, 彎唔倒腰呀... 不過, 我地無嘥野, 有打包的食物...
泰國菜, 味道比較濃, 頗肥膩, 大部份都係煎炸食物....食完好口渴, 要飲好多水(仲飽的...呢幾日清清地嘅飲食全部比哂佢啦..) 但係久唔久食吓, 一大班人一齊食, 可以試好多唔同嘅菜式......好開心呀!