Bread Pudding 麵包布丁

2010年8月16日下午3:27公開累積瀏覽 1126 1

 呢個Bread Pudding 係跟T&P前輩嘅recipe 做嘅...

其實當日買一條特長白麵包番嚟BBQ, 已經諗著做呢個麵包布甸.   Mrs Kua 同我講, 整麵包布丁最好用硬身嘅麵包.   食剩放咗入雪櫃嘅隔夜麵包就最適合啦!

 

材料: 麵包七塊(我剩番七塊咪用哂佢囉), 牛奶3.5杯(我用skim milk, 差唔用咗多1 litre), 糖1/3 杯, 雞蛋4隻, 雲呢拿香油1茶匙.  葡萄乾或紅莓乾(我用了紅莓乾)1/2 杯, 肉桂粉大約1茶匙 & 牛油(我用margirine)

預熱焗爐160c... 唉...Mina你攪咩鬼...夢游都唔緊要, 點解個焗爐有咁多油漬... 頭先焗豬頸肉佢都唔知, 因為佢用咗個細焗爐.   呢個大焗爐可能係兩日前焗完野唔記得洗....唯有即時清潔完個焗爐先可以pre-heat 啦....

方包去皮, 搽上牛油, 然後一開四成三角型...

當我整到呢個時候, 陶陶媽&爸來knock my door, 睇吓我攪咩鬼.  我同佢地講整緊麵包布丁, 一個小時後就有得食嘞.   佢地睇我整咗一陣, 然後繼續去散步...當然will be back 啦!

將麵包排好於焗盤上

將蛋拌勻, 加入奶, 糖, 雲呢拿香油再拌勻.

將一半拌勻嘅奶蛋醬加落的麵包到(我落咗超過一半), 等差唔多10分鐘(應該係等的麵包索勻的奶蛋醬).   然後加上紅莓乾, 將剩餘嘅奶全部加上, 最後灑上肉桂粉.
放入焗爐坐水焗50分鐘. 焗起我見個面的顏色唔靚, 個面一的都唔brown, 唔似焗.  於是將焗盤升高兩格, 再焗多7分鐘.  見到個面有微微brown brown 地就攞出嚟.

出爐啦! 焗緊嗰時升到好高架, 出咗爐跌番低...不過都好靚呀!

出爐就即刻打電話比陶陶媽/爸, 佢地立即過嚟.  想打電話比Mr & Mrs Kua時, 點知佢地已經knock my door, 話聞到焗野好香嘅味道... 跟著打比林老闆, 佢地啱啱响流浮山食完飯番緊嚟....死啦! 咁多人夠唔夠食呢!

Mrs Kua 話食Bread Pudding 最好配雲呢拿雪糕, 但係我無呢款味道... 跟著佢地話配ice wine 都好正.

於是Mr Kua攞咗枝雪到冰凍嘅ice wine過嚟...唔, 型爸話呢隻ice wine 好味..

林老闆一家幾口未到, 剩番少少响到.

呢個bread pudding 配ice wine, 真係唔錯嘅一個甜品.

同場加影.... 蕃薯糖水.....

食完個bread pudding 好似有的意猶未盡...屋企仲有好多蕃薯...嘩! 搵佢地幫吓手都好喎, 問咗佢地, 都話好呀!  即刻切咗四個大蕃薯, 加薑及片糖, 用咗半小時, 煲咗個勁薑蕃薯糖水.... 本來大家坐坐吓都好似有的飽, 食蕃薯糖水嗰時, 大家都覺得唔使咁多蕃薯... 點知食吓, 傾吓, 每人加的... 嘩! 的蕃薯都係剩番少少... 要留番的比林老闆一家喎!

點知等吓等吓, 十一點幾, 點解林老闆未到嘅... 型爸打比佢, 原來出面條路有意外, 封咗條路, 番唔倒嚟著....   oh! 唔好意思, 五號屋糖水店要打烊了, 剩番嗰的bread pudding留番我地明天試凍食lu...