BB 開心棧

2010年10月19日下午12:50公開累積瀏覽 88 8

打完Driving Range, 就沿著汀角路向大尾督方向"搵食", 我地响呢頭唔熟, 陶陶爸帶我地去咗

大埔龍尾路

一間叫BB開心棧嘅村屋地下餐廳食午飯

 

初初嚟到好興奮, 見佢有好多招牌菜, 好似好好味咁, 樣樣都想叫...

我同型爸叫咗鹹柑桔凍飲, 不過呢杯野唔夠味

叫咗半隻鹽焗雞, 隻雞好細隻, 第一碟餸嚟, 好肚餓, 每人食咗一兩嚿, 先記起要影相. 唯有影張餐牌啦.   呢隻雞味道真一般, 的肉亦略嚡.

呢個叫BB豆腐, 又係好普通

呢碟蘿蔔乾煮金錢鱔, 的鱔尚算ok, 但係的蘿蔔乾又酸又鹹, 真係唔啱口味.  我諗用普通白蘿蔔煮, 仲會好味的.

呢個蒜蓉炒窩竹筍絲, 又係無咩味

呢碟係蓮藕煎肉餅, 完全食唔倒蓮藕味, 咁大嚿煎肉餅, 又係唔好味.

本來嚟到好想叫嘅豆腐花, 見到的野咁, 又覺得飽, 都唔想叫lu.

呢餐三個人, 埋單hk$449, 真係一的都唔平.

對呢度的所謂招牌菜真係有的失望, 下次又要去搵第二間餐廳試吓.