2010年10月1日上午7:44公開累積瀏覽 242
我呢的新手, 整得比較慢, 嗰日整蛋糕比二公子, 攪到兩點幾先有得瞓. 今次一次過要整兩個, 所以決定整個唔使焗嘅German Cheese Cake. 之前整過都覺得幾好味, 希望成功啦. 聽咗另一同事(佢學過整蛋糕, 不過收咗山)嘅意見, 提早一晚整, 有咩差池, 都有得補救.
每個所需材料: 250g Cream Cheese, 320g Cream, 50g 糖, 20檸檬汁, 魚膠粉10g, 雞蛋1隻
餅底: 消化餅8塊, 牛油50g. 餅面: 蛋黃1 個
今次用8"模, 所以cream cheese 同cream嘅份量都用多咗. 唔知係咪有心理壓力, 做嘅時候唔係覺得好順手. 攞魚膠粉時唔小心打爛咗樽心愛自製嘅乾rosemary, 坐熱水打蛋又唔小心倒哂的熱水落身到.....自己同自己講, 小心, 慢慢嚟, 唔好急....
餅底先做好放入雪櫃, 魚膠粉用20g熱水開溶
將的cream打起至七成
cream cheese 加糖打至軟滑
雞蛋加10g糖坐熱水打至淡黃色.
將的蛋汁加入打勻嘅cream cheese , 加檸檬汁&魚膠水, 再打至軟滑. 最後拌入打起之忌廉. 做第一個時, 的魚膠水好杰, 好難同的cream cheese 拌勻. 做第二個時, 將的溶咗嘅魚膠水先加落坐緊熱水嘅蛋醬, 先至比較容易處理...
整好啦, 呢個係第二個, 拌勻之後睇落比較滑. 今次用牛油紙墊底圍邊, 明天比較容易脫模.
呢個係第一個, 已經放咗入雪櫃. 面頭可以看到的粒粒, 但已經無得補救.
成晚都瞓得唔好, 好似發惡夢咁, 真係好擔心個蛋糕唔知見唔見得人. 五點幾就醒咗, 六點幾忍唔著攞兩個蛋糕出嚟脫模, 睇吓整成點..
攞咗出嚟啦...
脫模無問題, 睇落都ok...
第一個真係好似無咁好, 有的粒粒唔係好滑.
第二個真係好的, 滑好多. 個面唔平滑唔緊要, 只要掃上蛋汁用火槍燒吓就會靚好多. 但趕著返工, 唔可以即刻整個面, 影咗幾張相番去比個同事睇, 等佢比的意見.
晚上返到屋企, 攪好哂其他野先整埋個餅面, 燒完個面, 個蛋糕有的溶, 即刻放番入雪櫃...
早上出門前先起底再入盒, 唉吔, 整花咗少少, 唔理得咁多, 攞到返公司先算..
真係多謝我嘅同事, 佢學過整蛋糕, 唔單止比意見, 仲幫我張羅裝飾&包裝的物料. 真係唔該哂.
呢個係未裝飾前
裝飾後, 一個以朱古力圍邊, 一個士多啤梨圍邊
最後加上同事名字嘅蠟燭, 一個係Karen
一個係Queenie
同場加影awfully chocolate 一個, 另一個同事10月1日生日, 的同事唔知我整蛋糕. 有個同事講我做個兩個似買嘅(真開心). 呢個朱古力的字寫得唔靚, 仲似home made.
共有三個蛋糕.
同事讚我整嘅Cake 好好味呀! 當堂開心哂....呢兩日嘅緊張都係值得嘅. 今晚實好好瞓... he.he.he...
沒有留言:
張貼留言