2010年10月20日下午1:07公開累積瀏覽 489
之前我同Ruby講我要整印尼椰汁糕, 不過要佢教我, 佢好開心, 好樂意教我整. 佢仲教我呢隻椰汁糕個印尼名叫Lapis. 呢款椰汁糕,做法非常花時間, 兩個人夾手夾腳, 不停手都整咗兩個幾鐘, 因為我地共做咗三碟, 兩大一細.
呢隻係印尼薯粉, Ruby話一定要買呢隻, 唔好用港式薯粉
呢隻係印尼麵粉(全部係印尼文), 佢又話一定要買呢隻, 唔好用其他麵粉.
佢話最好用印尼或馬來西亞出嘅椰醬, 會香的. 但係上次佢煮咖哩開咗一礶泰國出品嘅椰漿, 我地用埋佢, 所以今次唔係用呢隻椰漿.
需要三隻顏色香油: 玫瑰, 斑蘭, 雲呢拿.
材料: 印尼薯粉1杯, 印尼麵粉1杯, 椰漿1杯, 糖1杯(我覺得淡咗小小, 應該加多少少糖), 三色香油各一茶匙, 水800ml
先將所有粉混合先過篩
加入糖, 椰醬, 水要分幾次加入, 慢慢拌勻, 直至粉漿變得幼滑.
加水至粉漿變成好水質... 麵漿糊一定要夠稀, 如果唔係蒸起會變得好硬.
將粉漿分成三等份, 分別加入玫瑰, 斑蘭, 雲呢拿香油. 的粉漿要不時攪拌, 令的粉漿不要沉底. 如果的粉漿變稠, 可再加小量水令粉漿保持稀的狀態.
煲滾水, 將隻不鏽鋼碟先塗上油放入鍋內, 加入第一隻顏色漿糊, 加蓋大約蒸分半鐘.
開蓋後見到的粉漿已變色(已熟)
再加第二隻顏色漿糊, 加蓋蒸分半鐘
已隱約見到兩層漿粉
再加入第三隻顏色, 又加蓋蒸分半鐘
第三層已蒸好
如是者每層分顏色逐一加上去直至碟滿. 共做了十層. 最後要加蓋再蒸20分鐘至全熟. 跟著再開始做第二碟, 都係做十層.
當做完第二碟時, 每隻粉漿都剩下一湯勺, 用隻細碟做埋佢. 估唔到細碟做三層都一碟滿. 呢碟三色留番自己食. 待涼之後先可以切.
切好啦!
呢碟係第一碟做, 雲呢拿色做底&面.
呢碟係係第二碟, 玫瑰色做底&面.
當調粉漿試味時, 覺得夠甜, 點知蒸好之後就覺得淡咗少少, 仲唔夠椰汁香味, 唔通真係要用嗰隻馬來西亞椰漿或印尼椰漿.....
沒有留言:
張貼留言