呢個係後園中央的大魚缸, 差不多有10呎闊
另一邊牆身排列不同嘅煮食設備,冰櫃等. 牆上有projector TV, 我地可以一邊食野, 飲野, 一邊睇電視或電影. 另一邊還有一個活動煮食大檯, 不過菲傭姐姐忙出忙入, 唔想將佢人攝入鏡頭. 另一邊有一張高身户外Bar 檯, 可坐8-10 個人, 主人家跟型爸及幾位朋友坐在那邊飲酒, 又唔方便拍照.
呢個係今次特別介紹, 特大蒸爐, 而家見到得一層, 另外仲有一層可以加上去.
睇吓入面, 一次過蒸二三十隻蟹應該無問題.
嚟到見到一條好大嘅魚, 初時唔知係咩野魚. 講咗一輪, 先知呢條係野生河魚紅吉羅, 馬來西亞十大名魚之一. 朋友從馬來西亞帶回來.
有一位男士放隻腳响條魚側邊作比例等我地拍照. 條魚真係有三呎長.
本來今日主打食大閘蟹, 結果呢條魚搶盡風頭, 因為太好味啦. 唔需要特別點煮, 淨係加薑清蒸. 而今日個大蒸爐就大派用場嘞.
的魚雖然係冰鮮, 但蒸起上嚟, 一的魚腛味都無.蒸好之後加蔥, 豉油熟油就得嘞.
蒸嘅時候, 的魚唔使打鱗. 蒸好之後將的鱗夾起, 再濽豉酒熟油. 而的鱗可以落油炸, 就會變成可口嘅送酒小食. 睇吓的鱗幾大塊!
我地有十幾二十人, 並無食哂成條魚, 淨係食咗頭腩部份, 已經好夠... 因為仲有其他野食...
好正嘅雲腿雞湯
雞煲
麻辣龍蝦仔
大閘蟹出場啦! 有48隻. 都幾貴, 成籬要五千蚊.
的蟹都幾大隻, 每隻都有六七兩重.
今日食嘅第一隻蟹
食大閘蟹就梗係配花雕酒啦. 不過之前已經飲咗少少Whisky.
呢隻係第二隻, 睇落都好靚
的蟹有好多膏, 但唔知點解, 始終覺得的蟹味唔濃, 的膏唔夠香, 以前食大閘蟹, 聞到嗰陣味已經好開心.
食咗兩隻已經好夠啦. 呢排真係食到爆哂燈... 跟著佢地再整蠔油瑤柱撈麵, 但係已經食唔落lu...
差唔多要走啦, 攞埋我整嘅芒果布丁出嚟食. 個芒果布丁因為係兩大盒, 分起上嚟賣相唔係咁好, 不過佢地話唔緊要, 好味就得啦...
好開心呀! 朋友送了兩塊紅吉羅比我地, 返到屋企即刻放入冰箱, 搵日蒸嚟食, 再重溫吓咁好嘅味道.
又係開心快樂的一晚.
沒有留言:
張貼留言