白麵包+ 提子麥包

白麵包+ 提子麥包

Oct 19, 2010 10:29 PMPublicPageviews 191 2

食完晚飯, 就開始整麵包.....今次整白麵包&提子麥包

用咗呢隻英國出品嘅有機裸麥粉(Rye Flour)

當然唔少得搵我個麵包機partner啦...今日的白麵包麵團又係唔夠水(嗰個麵包機recipe真係有問題), 我加咗差唔多四份一杯水, 個softball 先至似樣.  麥包都加咗兩匙羹水.

個softball好靚啦, 但的老麵用哂, 無加到老麵.  麥包就加咗半杯提子

可惜, 個麵包機發酵程序差唔多完, 個麵包仍未發酵好, 我又要off咗部機, 等佢發酵到升高過個container, 就响麵包機攞出嚟再放入焗爐焗.

入爐焗啦! 入爐之後, 兩個麵包都再升高的.

之前個白麵包無發酵得咁快, 焗完之後, 反而升得比麥包好.  個麥包要用兩茶匙yeast, 但白麵包只係落咗一茶匙yeast.

兩個麵包都幾好.

白麵包, 切起都好靚.

提子麥包, 入面好多提子呀!  不過太心急切, 個麵包未攤夠涼, 仲有的濕.   兩個面包都好夠鬆, 但我覺得柔軟度唔夠, 可能係無落老麵嘅關係.
其實當我整緊麵包嘅時候, 的鄰居過咗嚟我嘅部屋唱Karaoki, 的麵包焗得咁香, 佢地梗係有興趣食出爐麵包啦.  所以有的心急, 的麵包未攤涼就切比佢地試.  不過我嘅要求係要剩番四塊比我地明天做早餐.
本來整埋蒜蓉香茜醬比佢地搽麵包, 點知顧著整麵包, 的蒜頭焗燶咗, 而啱啱用糖醃咗的士多啤梨又要明天先可以煮果醬, 無法啦, 下次先啦, 食著芝士先啦!  好忙呀, 因為又整緊Panna Cotta 做明天party嘅甜品, 真係週身唔得閒... 
今晚無甜品食, 要留番明天, 但係的鄰居食麵包都好似食得好開心咁....  究竟食緊夜宵定早餐呢?
我地唱K唱到差唔多十一點幾十二點, 鄰居就走啦, 我同型爸二公子繼續唱到零晨十二點半, 收檔lu.....