煎鹹香馬友

2012年4月26日下午2:25公開累積瀏覽 261 1

April 22, 2012, Sunday Night

昨天去大埔街市買餸時, 見到有馬友賣, 仲四十蚊有兩條, 買番一份先.  突然間隔離有個男士又買, 仲同個魚檔幫我醃咗佢(佢仲講要醃多的, 我諗即係多的鹽)....吓, 咁好有的醃埋架....係喎, 可以用嚟煎鹹香馬友喎....kakakaka, 即刻唔蝕底, 叫魚檔幫我醃埋.  魚檔姐姐話, 返去唔好洗呀, 食時先洗啦.

返去擺咗落chill櫃, 今日先拎一條出嚟洗淨瀝乾.  煎前再用廚房紙索乾魚身


煎魚嘅心得, 要有耐性, 唔好心急, 只可用中慢火.  唔好隨便翻條魚

呢一面煎好啦... Ruby話, 係咪燶咗呀....梗係唔係, 一定要有咁樣先有效果架.

我都驚翻得唔靚, 用咗個特闊, 專用嚟翻魚嘅鑊鏟.

煎好啦.....睇吓, 兩面都咁靚呀!

一食之下, 我同型爸都覺得好味....佢今次比兩個like呀!

因為條魚外脆內軟, 的肉又滑又鹹又香, 好味呀!  二公子唔鍾意食魚, 叫佢食背嘅肉無骨(其實條魚都只係有大骨), 佢都話ok呀!

煎咗一條啫.  明天仲有一條呀!