Open Oyster

2012年8月8日下午12:57公開累積瀏覽 0 0

August 4, 2012, Saturday Night

睇完戲, 返屋企時型爸又嚟為食癮, 其實佢都講咗幾日架啦,  佢話好耐無食生蠔, 好想食生蠔呀! (有幾耐呀???)  不過時間唔夾, 都無去食.  跟著佢話今晚去食生蠔啦.   打電話比Ruby, 佢話已經煲落湯, 唔緊要啦, 可以留番明天飲啫.


型爸話要去尖沙咀東部嘅Open Oyster食呀!  呢間Open Oyster, 只係做星期一至六, 晚上七時至一時, 星期日休息.  其實見到佢都算做得幾好, 初時只得一間小鋪, 連坐位都無, 只係靠將的權放喺户外.  而家租多一間鋪做室內座位, 生意好似越嚟越好呀!

呢道的生蠔真係算平, 仲有一個Wine Lovers' Discount, 就係每人飲兩杯酒(以每檯總人數計), 每隻蠔就可以平十幾蚊一隻, 鍾意食生蠔就開心啦.

我地五個人去食, 要開兩支酒(一支當五杯)先可以有呢個Wine Lovers' discount.  我地計過, 如果每食食半打蠔, 每隻平HK$15, 乘30隻就係HK$450, 的酒三百幾一支, 咁都係比百幾二百蚊就有兩支酒飲...化算啦.   型爸即order...

室內燈光頗暗, 的menu影咗都睇唔得清楚.  佢地有部份小食, 晚上十時後半價.


呢支就係waitress介紹紐西蘭出嘅新世界白酒, 90分, 味道都唔錯,HK$335一支, 我地叫咗兩支.

叫咁六款生蠔, 每款每人一隻

有的肚餓, 叫咗兩客麵包, 一客配意大刮香草醬, 一客配橄欖油黑醋

第一款蠔嚟啦, 愛爾蘭嘅Irish Premium, 味道好好喎, 清甜好味

食完一個round, 第三款蠔都未到

我地叫嘅法國麵包蟹就嚟啦.  HK$220一隻

第二round蠔嚟啦, 今次嚟咗white pearl 同Black Pearl, white pearl 淡味的而black pearl 濃味的.  兩款都唔錯.  型爸話上次佢食black pearl, 加的魚子醬一齊食, 真係好味, 不過呢道無魚子醬賣喎.

跟著嚟嘅係Divine, 海水味重, 偏鹹, 不過食完有9甘甜味

呢款Ostra Regal 就再鹹的,  對我嚟講, 呢款味道太重

最後呢款Sydney Rock就更重味. 我地即刻諗起林老闆, 佢同型爸就啱key啦, 兩個食生蠔都係鍾意重口味.


的蠔到齊啦, 講真我已經開始覺得飽啦.

跟著上主菜

西班牙海鮮飯, 做得唔錯喎, 的米依依韌韌, 啱啱好, 我食一啖試吓咋.

跟著就輪到18oz嘅安格斯肉眼扒, 抵食就抵食啦, 不過牛味唔係好夠啫. 我食一嚿試吓, 都係比佢三個牛魔王食啦.  我明明有影相架, 唔知點解睇番的相又無影.

呢道唔serve清水, 要嘅一係要有汽(HK$35一瓶)或無汽(HK$28一瓶) mineral water

佢地食完都仲話唔夠, 仲話要加羊架, 我唔要啦, 佢三仔爺每人一件

HK$39一人件, 可以逐件叫


埋單HK$2,563, 我地又開酒又食咗咁多生蠔都算係咁啦, 如果去Island Seafood, 一定唔係呢個價錢囉, 起碼要三千幾呀!

型爸即刻話要約林老闆再嚟食過.

我都食生蠔, 但唔想食太多囉, 今次食咗半打, 覺得有的頂著個胃, 其他野我都食唔落啦.