輕輕鬆鬆半天遊

2012年8月19日下午2:46公開累積瀏覽 944 2

August 17, 2012, Friday, 牛一

送完大公子去機場, 返到屋企真係一身鬆哂, 雖然去唔成打golf (咁耐無打都唔荒打得好啦), 咁就搵其他節目啦...

無咩地方好去. 見到的Blog友買得咁開心, 我又上深圳行吓.

坐火車去羅湖, 再坐的士去湖貝路, RMB13加3蚊附加費, 即係人仔16蚊.


先上去廚安居, 去到揀咗的野, 順便攪埋張會員咭,要人仔五十蚊, 不過買野可以平的.  唔知可唔可以平到慳番五十蚊, 但申請咗下次嚟都可以有折扣.

都買咗唔少野呀!


檯墊


不黏布


泯刀, 長燒烤夾, 撻杯蛋糕杯, 心形同圓形圈....

買完點幾鐘, 有的肚餓, 去附近搵野食


行幾步就見到呢間众歡茶餐廳, 就呢間啦.

都係隨便叫碗牛腩河

型爸叫豉油皇炒麵 + 凍奶茶

而家深圳食野都唔會平, 同香港差唔多, RMB52, 大約HK$64.  我地都係求其食的, 呢排食得太多, 今日志不在食野

問餐廳的姐姐點樣行去地鐵站, 原來附近湖貝地鐵站真係好近.

沿路行去地鐵站, 見到一間鋪頭賣戶外地毯...超抵, 又買...

3' x 4'嘅戶外門口毯RMB50, 我上次响香港買一塊細一半嘅都唔止呢個價錢.  嗰位哥哥仲幫我地摺到細細, 方便拎添.  不過我早有準備, 帶定購物車, 無有怕.


去到地鐵攞張路線圖, 唔....我地要去福民站


先去市民中心站轉車, 再轉去福民站, 車費RMB4一位, 香港地鐵就貴好多


我要去呢間大型超市, 地方好大, 有兩層, 我諗每層有成萬尺, 咩都有我得賣.


枇杷蜂蜜做特價, 買


呢隻龍鬚菜, 香港未見過有我亦未買過, 買的嚟試吓.


孜然粉, 五香粉, 芥末粉, 回香粉


仲有電蚊拍

夠啦夠啦, 唔買啦, 滿哂一架車仔, 我地坐地鐵再去福田, 按摩去也.

今日星期五, 兩位按開嘅師傅都有時間, 行完街按摩....真係好正呀!

按完八點幾, 又係時間去搵食啦.

慳時間, 去附近卓樂粉麵專家, 嗰道嘅生滾粥幾好架, 我同型爸都鍾意食.

型爸叫嘅黃鱔粥

我要嘅豬腰粉腸粥


又滑又好味嘅蝦米腸粉

炒得幾好嘅乾炒牛河

好豐足呀!

食完慢慢過關, 响福田坐的士返屋企.   今日輕鬆愉快仲滿載而歸呀!