一個颱風打亂了我的生日計劃

2012年8月19日下午12:58公開累積瀏覽 240 0

             
August 17, 2012, Friday

昨晚十點鐘開始就掛八號風球, 唔知會掛幾耐,  大公子今早十點幾機, 唔知的航班會唔會取消, 真係好擔心, 因為之前打電話去航空公司, 佢地話未來一個月都fully booked, 如果上唔到機趕唔切返去考試就麻煩.  唉, 如果有機位, 大公子都唔使响我生日當天飛啦.

攪到我成晚睡不安眠, 大公子同佢喺澳門嘅同學都係, 因為澳門都掛緊八號風球.

早上未夠六點就起身, 一開電視, 仲係掛緊八號風球, 幣....點算...即刻上網check機場同航空公司....但係咩野都check 唔到.

過咗十幾分鐘, 電視話六點幾就會改發三號風球,  咁都安樂的, 航航班應該唔會取消, 至多delay啫.

七點四十分, 我地送大公子去機場, 班機如常無delay, 我地先幫佢check in.

但大公子嘅同學就無咁好彩啦, 澳門仲係掛緊八號風球, 仲話要九點先落三號,  佢七點鐘到碼頭, 碼頭八點半開, 但船要落咗八號波先至可以開. 跟本無法趕得切搭呢班機. 咁我地就响機埸不斷幫佢詢問, check in嘅地勤先生非常好, 但佢幫我地唔到, 教我地去候補counter 同ticketing counter 問.  不過去到ticketing counter嘅地勤太太我地就好唔like佢啦, 比我地冷言冷語嘅答覆, 我同佢講打風交通問題, 上唔到機都無人想, 我地就係唔知點先嚟問妳啫, 佢先至好的聲氣.  我地都知呢排的班機去多倫多好滿, 結果我地都係叫佢有船即刻嚟香港機場, standby 下午五點嗰班機啦.

攪咗一輪到九點幾, 好肚餓啦, 去食個早餐先啦.

去咗arrival hall嘅 Delifrance

我叫咗個火腿蛋長通粉配咖啡, HK$27, 唔貴吖.  仲係用靚火腿, 不過杯咖啡得苦味唔香, 麻麻地

型爸同大公子都揀咗呢個腸仔+炒蛋包, HK$30, 條腸好大條, 唔係普通雞肉腸. 的蛋炒到熱辣辣, 夾落個烘到脆嘅包, 佢地話幾好味喎.

食完就送大公子入閘啦, 一切順利啦.

型爸話生日輕鬆吓, 所以我今日請咗假. 

本來我地預備送完機, 去機場航天城高爾夫球場打番九個洞, 然後去Erawan食泰菜午餐, 但仲係掛緊三號風球, 又落緊雨, 點打吖....打道回府就可以.

哈哈, 一返到屋企,就聽到 Ruby呱呱叫....Loki好曳呀...我地一開車, 佢就發脾氣, 响停車埸五處地方便便, 每處都痾少少.... 平時型爸早上會帶佢出去, 但今早我地要去送機無理佢, 咁佢咪發脾氣囉.

一見我地返嚟, 又叫又跳又嗚嗚嗚, 型爸唔捨得, 咁即刻帶佢出去行吓.

昨晚到今早都真係好緊張, 腎上線素激增, 而家卒之可以鬆一口氣.