農家菜椰子雞

2012年10月16日下午2:48公開累積瀏覽 765 1

October 13, 2012, Saturday Night

二公子約咗朋友, 我同型爸兩個輕輕鬆鬆下午就出去按摩, 按到七點幾,  順便食埋飯先返屋企. 


我地去咗福田口岸廣場一家叫農家菜椰子雞

門面都幾大

地方頗大, 但仲未滿座, 我地一去到就有位

門面主打椰子雞, 係用文昌雞加椰子嚟做火鍋湯底..   呢道當然仲有其他菜式, 不過今日都係諗著叫呢個椰子雞

我地叫咗竹笙椰子雞鍋, RMB138一鍋, 如果唔要竹笙就RMB118

另外仲可以加其他配料.

不過我同型爸兩個人, 唔可以叫得太多, 最後揀咗三樣

 

竹笙椰子雞一隻, 皇帝菜一份, 酸菜魚一修....咁即係菜, 魚, 肉, 湯麵有啦.

唔知係咪好肚餓, 覺得呢份酸菜魚好好味.  入面有好多魚(應該係大頭魚), RMB38好抵食


相比起, 呢份皇帝菜要RMB18, 就唔係好大份

的雞嚟啦, 上面加咗幾塊竹笙.. 而別外有青檸, 香茅碎, 辣椒, 加的豉油醮嚟食.

個鍋底係椰子水,椰子, 仲有杞子紅棗, 味道頗清甜. 的雞只需煮幾分鐘就可以食.  我地加的菜落去就熄火, 如果再滾落去, 的雞就唔好食.  不過食到尾, 都覺得的雞焯得過熟.

如果的椰子水用嚟做火鍋湯底, 就應該先食的配料, 最後先落雞, 亦都唔好一次過將的雞放落去, 如果唔係的雞肉煮到嚡哂就唔好味.

的湯底滾得太耐會過甜唔好味.  下次再嚟食, 要叫佢地將的雞去皮, 咁的湯就唔會咁多油.

今日叫的份量, 都算啱啱好, 兩個人食, 十分夠啦.

按完摩輕鬆愉快, 食完飯身心滿足....回家去啦.