Seoul Trip - Day 1

February 14, 2017

呢幾個月真係好忙, 一個月去一之旅行, 工作忙, 私又忙.   12月去了泰國, 1月去了越南, 現在又去韓國.   其實呢個trip 我都唔係好想去, 但家姊由加拿大回來, 想我陪佢去, 咁啱二哥同姪女一早訂咗位去, 咁去就去啦.

今次我同型爸, 家姊姊夫先出發早一天到, 第四天便走.   二哥同姪女晚機到, 玩七天, 順便買貨.

 

早上十點的機, 七點半已到機場, Check in 後帶家姊姊夫先去club lounge 食的野.

坐香港航空去首爾.   姪女佢地早訂, 可以訂到廉航平我地張機票50%, 但時間就無咁好.

今日份午餐又唔錯喎, 係薯蓉嚟架.

去到仁川機場已經下午兩點幾

今次第三次自由行, 已經熟路, 去11閘口坐6002號巴士去東大門

的機場巴士暖氣好大, 真係有的吃不消, 姊夫佢地响加拿大回來, 習慣暖氣都覺得又熱又焗.

今次又係呢間酒店, Mini Hotel Dalkom, 去年都係住呢間,  地方乾淨, 五百幾文一晚, 真係唔錯. 

Check in 之後, 休息30分鐘, 我地就出發.  主要都係行周圍附近, 我同型爸都認得路, 一的都無問題.

大家都有點餓, 周圍睇吓有咩好食.

經過呢間麵店, 入面好多人幫襯.  下午五點幾都有咁多人食, 一定係好野

鋪仔細細, 可坐的檯不多, 入面廚房有兩位"阿朱媽"搓緊麵

 

牆上貼著一些海報, 介紹呢間麵店


哈哈, 原來呢道只係賣兩款麵, 一款手切面 3,500Won, 另一款係面片湯4,000Won

 

我地都唔識分邊一款, 落單就身體語言, 手指指, two, two. 

哈哈, 咁就嚟咗四碗, 無餸架, 每碗都上只加了紫菜及芝麻

唯一的餸就係呢碟泡菜.

一食落去, 的麵好滑呀, 有少少依韌, 好麵!   唔怪得之咁多人幫襯.   賣淨都都賣到咁好生意.   值得一試呀!

食完碗麵暖吓個胃, 大家都精神哂, 可以去行街啦.

穿過幾條街行到去Doota Mall shopping.  

跟著再行去APM Mall,  咦, APM Mall 無開門, 但門口多咗好多街邊小檔.   後來問姪女, 佢話每逢百貨公司休息日, 商鋪會拎的野出嚟擺响出面賣.....

嘩嘩嘩嘩, 我地開心囉, 買到野又可以講價, 正正正, 我同家姊都有收獲, kakakaka, 兩位男士就陪行比錢兼拎野啦...

行到腳軟, 我地又去搵野食.

姊夫同型爸都想食烤肉, 咁啱哂, 姪女食素, 連帶哥哥嫂嫂都常吃素, 我地今日食就食燒韓牛啦.

東大門正統炸肉店, 四十幾年歷史

呢間店都有飯都供應

我地梗係食韓牛燒啦.   唔使驚唔識講, 呢道有侍應講普通話的.

食韓燒飲啤酒, 兩款都要了一枝, 但Cass 唔好飲, Hite 好飲的.

我們要了一客大的牛肉拼盤

平時韓餐都會包配菜, 但呢道食韓燒每位要收2,000won

呢幾塊最肥美, 原來係牛胸

夾著的生菜泡菜一齊食, 好好味呀!

本來再想食燒豬腩, 但已經好夠, 唔食啦.

呢餐食咗111,000 won, 大約HK$700, 好抵食呢!

食時收到姪女whatsapp, 原來佢地班機delay 一小時, 剛landing, 坐巴士到東大門, 差不多午夜啦.

回程返酒店, 見到一間店賣烤雞, 好好生意, 貢入去睇, 忍唔著又買咗包雞臀....

返到酒店沖好涼收到姪女whatsapp, 佢地剛到酒店(她們住隔鄰另一間酒店).  相約好明天早上10時集合.

明天開始有導遊了.