Seoul Trip - Day 4

February 17, 2017, Friday

今晚會離開首爾回香港, 仲有大半天行程.

昨晚兩位姪女要去買貨, 零晨三四點先回來, 約咗我地十二點集合. 

 

食完早餐我地有兩個小時自由活動, 姊姊好似仲未買夠, 繼續努力.    哈哈, 一陣仲要去超市呀!  見佢買得咁開心, 由佢啦,嗰的雪靴, 真係平得緊要.

十二點集合, 姪女帶我地坐地鐵.

去到一間大型超市, 先去food court食午餐

我同型爸分別要了韓式拌飯及牛骨湯麵

哈哈, 姊夫佢地買咗一樽超大益力多, 800ml, 一樽夠幾個人飲呀!

佢地在超市又量入貨, 我同型爸就無咩好買.  我地已經有兩件手提Corning ware, 好滿足, 其他食物以前買過唔買啦.  再買就拎死自己.

買完又要返酒店, 要pack好哂的野check out, 留低的行理响酒店先再出去.

跟著去行街市, 都只係參觀

呢道都有間好出名賣豬手.   

我地大約六點會出機場(其實我同佢地講七點出都夠哂時間), 可以响呢道買的食物返酒店食.  二哥係咁叫我地去食人參雞, 姪女唔想食, 佢話佢地去high tea, 不過又要搭地鐵.   唔好走嚟走去啦, 分開活動.

姪女阿嫂佢地去high tea (其實我都想去架), 但姊夫佢地唔想走嚟走去, 就去附近食人參雞.

我仲係唔餓, 結果要了兩客人參雞, 一碗炸醬麵五個人食.

呢餐港幣兩百幾.

姪女sent來high tea 靚相, 我地有得睇無得食.

姊夫話食完早的出機場, 驚有意外上唔到機, 趕不及後天回加拿大就有問題嘞.   體諒佢的擔心, 咁早的就早的啦.

結果七點去到機埸, 得咗個幾鐘airline counter 先開, check in 後做埋退稅, 時間鬆動.

真係估唔到, 機場的食肆晚上九點就關門, 淨係買三文治/pizza的cafe仲開.   無咩做又食少少啦.

上到飛機仲有份餐, 但好眼瞓唔想食啦.

2月17日晚上十一點半起飛, 連時差18日零晨兩點半到香港....攞埋行理成三點, 再送家姊姊夫回家, 到我地返到屋企四點幾, 瞓落床早上六點....好辛苦呀!

真係好耐都未試過搭咁嘅機, 下次盡量唔會作呢的選擇.   為咗遷就家姊姊夫的行程, 無法啦.