February 16, 2017, Thursday
食完早餐, 我們在附近行街, 大約十一時才與哥哥一家集合出發
姪女話唔好全程都係食同買, 今日行程係行公園. 南山公園.
今日仲係weekday, 無咩人行, 我地想點影相都得. 我的三家姊最鐘意擺post...哈哈, 姪女們就做攝影師啦.
呢個公園介紹好多古時玩的遊戲, 哈哈, 返工時間, 竟然有三位韓國男士响道
行兀公園, 姪女帶我們去食韓式宮廷菜
姪女話呢間價錢算平呀! (我的姪女好精打細算呢!)
都好多野食好豐富, 睇嚟我地中國的宮廷菜奢華好多.
呢款甜品幾好味, 入面好似龍鬚糖, 不過又唔甜喎.
食完出嚟見到呢的燒年糕, 好想試, 但好飽了, 唔啱 timing.
食完又係去shopping, 先去明洞, 再去車大門. 哈哈, 型爸响department store 買到隻心頭好Samsung Watch, 計咗數, 退埋稅平香港好多呀!
行到腳軟, 又要先返酒店放低的戰利品, 哥哥姊姊都勁買, 哈哈, 佢地的加幣折算韓元好好使呀!
休息一陣, 又要出發去食晚飯.
姪女帶我地去食雞呀! 的韓文我唔識, 姪女話呢道好出名, 陳玉華奶奶一隻雞.
佢話以前好多人, 帶朋友嚟都要排隊等. 唔知係咪因為禽流感少咗人食雞. 雖然話唔使排隊, 都係坐滿人, 剛啱有八位比我地坐.
呢道只係買雞, 仲一定要每人最少半隻雞, 唔可以要兩隻雞八個人食. 我地點了兩鍋, 每鍋兩隻雞, 即每人半隻.
有位韓國人見我地唔識, 教我地點調個醬汁.
姪女佢地鐘意食辣, 落哂的泡菜落去, 佢地唔食肉, 就另外叫的年糕.
姊姊姊夫唔食辣, 我地唔落泡菜. 的雞烚到咁上下要熄火, 如果唔係的雞就嚡烚烚. 的雞其實無咩味, 但都幾滑.
食哂的雞年糕, 佢話剩低嘅湯可以用來泡飯
但我地已經好夠, 只係叫咗客人參拉麵
哈哈, 真係有人參架.
食到飽飽又繼續响東大門shopping.... 日日都行超過兩萬步呀!
沒有留言:
張貼留言