酸菜魚鍋

2013年1月3日下午1:09公開累積瀏覽 471 0

December 30, 2012, Sunday

六點鐘飲咗羊肉湯又食咗羊肉, 其實都已經半飽, 但又預備咗個酸菜魚鍋, 咁就夜的八點幾先至食.


呢個酸菜魚鍋湯料包又係國內超市買架.  型爸話買嚟試吓.


去魚檔搵咗好多款魚, 結果買咗條斤幾重嘅桂花魚.   叫魚榴起肉, 返嚟洗淨切片


打開嘅湯包料係咁, 入面有酸菜, 薑, 花椒, 泡蘿蔔, 泡紅椒(不過唔見有紅色嘅), 包裝背面寫明煮食方法


只要幾湯料加大約兩公升水用文火煲10分鐘就可以加魚肉落去

亦都預備了小量火鍋配料, 皇帝菜, 腐皮及牛肉

加咗魚大滾之後, 我地熄火再焗一陣就食得啦.   味道幾好喎, 食完魚就用個湯底做火鍋湯底.   哈哈, 咁跟著食幾多就隨自己胃口, 但我地今日好夠啦.

當歸羊肉湯

2013年1月3日上午11:34公開累積瀏覽 524 1

December 30, 2012, Sunday,

今日去街市買咗黑草羊, 不過唔係用嚟炆, 係用嚟煲羊肉湯呀!  我都好耐無煲過呢個湯, 呢幾日天氣咁凍, 煲呢個湯就啱哂啦.

我用咗70g 當歸(大約二兩)


買咗一隻羊腿, 煲湯唔好買腩排(炆就買腩排啦), 買羊腿最好, 瘦的又多肉. 

羊肉先用薑汆水


煲滾一鍋水落當歸加的薑一齊煲就得啦.  大約兩至三個鐘

我差唔多四點開始煲, 跟著整呢整路, 再帶Loki出去行街....呢的天氣就啱哂佢, 但我地就好凍嘞, 吹到頭都痛.

差唔多六點返到屋企, 一入屋, 的當歸羊肉湯真係香到不得了, 同型爸二口同聲, 不如飲的湯食的羊肉暖吓身.


試咗味, 唔錯喎, 只要加少許鹽就得啦.


的羊肉就醮的腐乳醬嚟食....真係好好味呀!

兩個人飲完一湯碗仲唔夠喉...


再嚟一湯碗...結果成煲湯同的羊肉比我地食哂....成身暖哂.

呢餐都唔知當係咩....今晚嘅晚餐就要延遲啦.

聖誕夜林老闆家晚飯

2012年12月29日上午11:49公開累積瀏覽 295 0

December 25, 2012, Tuesday, 聖誕節

林老闆真係好客氣, 今日下午打比型爸, 邀請我地今晚去佢屋企食羊腩煲, 佢親自落廚, 正呀!


我地帶咗的餐前小食, 風乾火腿, 仲切埋一盒蜜瓜


仲有呢包芝士波波


咁當然唔少得帶埋枝酒同林老闆飲番兩杯啦.

羊腩煲出埸啦, 呢道係一半份量咋, 都真係煮得唔錯架.

瑤柱魚肚扒草菇

 

竹笙蒸雞


炒什菜

蒸臘味


仲有甜酸魚柳同老火靚湯, 我地八大一小, 食六餸一湯, 碟碟都咁大碟, 真係食唔哂.  再加上我地四點幾先食完野, 唔係好幫得手.


四點幾返到屋企, 我即刻整咗個甜品, 法式焦糖燉蛋, 晚上十點先攞過嚟再整個焦糖面...正呀!

食完晚飯林老闆沖咗幾款茶比我地試, 佢好有研究架...

 

傾吓講吓, 又到午夜....放假的日子過得咁快嘅.

 

大埔墟街市東記豬扒麵

2012年12月28日下午1:46公開累積瀏覽 589 0

Dec 25, 2012, Tuesday Afternoon, 聖誕日

二公子昨晚十點幾先返到屋企, 仲有好多野食, 不過佢都係對我留番比佢嘅牛肝菌汁煎羊扒同西班牙海鮮炒飯有興趣的. 

今日晏咗起身, 聖誕節佢可以放假一天, 下午一齊出去食晏, 我地好耐無去過大埔墟街市, 有的掛著嗰道的炸豬扒麵.  二公子就好鍾意係, 我地開車去啦.

平時都唔鍾意食炸豬扒, 覺得好油膩, 但呢道的炸豬扒, 真係又鬆又好味. 忍唔著都係要叫嚟食.

我要炸菜雞翼(呢道的炸雞翼都好味架), 二公子就叫雞翼豬扒雙拼

 

我同型爸一個叫雞翼, 一口個叫豬扒, 咁我地又係豬扒雞翼雙拼, 仲分吃有炸菜或雪菜....經濟學上, 我地又化算咗.

我要熱好立克, 型爸二公子都叫凍奶茶

食完就去行吓超市, 幫二公子入的小食同杯麵. 

買完野, 我地去食甜品呀, 又去大帽山農場鮮奶食燉奶 (真係兜個大圈, 行個大運)


去到佢兩仔爺仲話要食麵, 唔係阿麻, 食完個幾兩個鍾之麻.. 咁好食力, 每人分別要肉丁麵同撈烏冬, 我就頂唔著啦.

飲杯鮮奶, 食碗燉奶就已經好夠啦.   不過食完都已經成四點,  呢份下午茶係咪豐富咗的呢..  今晚仲點食得落呀!

今晚林老闆邀請我地食佢親自主理的羊腩煲呀!

Baby Blue 做冬

2012年12月25日下午1:53公開累積瀏覽 340 0

December 21, 2012, Friday Night, 冬至

接咗二公子, 問佢想去邊道食飯, 佢同型爸都唔使諗, 一定係食西餐, 佢地唔鍾意去酒樓食中餐.

無見二公子成個星期, 真係有的掛著佢, 佢鍾意食咩就去啦, 我都無咩所謂.就當我地一家人做冬啦.

已經晚上九點了, 去邊道食好呢... 結果去咗我地常去的地方,

叫咗一打生蠔

佢喜歡的焗薯皮


焗田螺一打


車打芝士汁藍貝配炸薯條

12安士牛扒

甜品係cheese cake & cream brulee.

食咗魚蛋粉打底, 我食好少咋, 等二公子食多的啦, 一個星期, 我覺得佢已經瘦咗啦.

食完快的返屋企休息, 忙咗一整天, 其實我又攰又頭痛, 明天起開始放假, 可以好好的休息一吓

牛肉佬食品專門店

2012年12月24日下午1:46公開累積瀏覽 0 0

December 21, 2012, Friday Evening

今日响香港仔大半天, 其實五點幾就可以走架啦, 但二公子話佢六點幾可以走得, 咁我地住得咁遠, 梗係等埋佢啦.

從來都未試過喺香港仔行街, 今勻真係要試吓, 我地無咩特別嗜好, 最鍾意就係食啦....  行吓見到對面馬路有間叫牛肉佬食品專門店, 走過去睇吓啦.

原來係急凍食品公司, 睇吓睇吓, 有黑松露醬, 有埃塞俄比亞咖啡豆, 廣島蠔, 仲話買夠一千蚊可以做會員, 仲邊道都送貨.  我話新界北都送, 佢地話送, 因為佢地比住宅急便送, 港九新界都得.

咁又ok喎, 我地等二公子都唔知等到幾時, 如果買的急凍食品, 都唔知點好, 而家有得送就無問題啦... 一千蚊好容易買夠啦....


結果咪攞張VIP咭 (都唔知仲會唔會用)

睇吓買咗的咩....


蟹肉一礶HK$168, 有九折


意大利黑松露醬, HK$380, 九折

大size日本廣島蠔HK$178

加件大Mussell HK$78, 九折

 

埃塞俄比亞咖啡400g, HK$168, 九折

兩款香草, HK$146, 九折...

哈哈, 响牛肉佬無買牛肉呀, 不過眨吓眼個人就輕咗的(可惜係個荷包, 唔係個人囉....)